(رساله لسفير )
هل رساله من السفير
لحضره حسين الامير
*******************************
بعد بسم الله تعاله ابتدي بكل ما جرة
يا حسين اعتذر منك حيل ارجو المعذره
راح اعوفنك حبيبي وانه استشهد تره
بس تره بالكوفه صارت مثل يوم الكنطره
بيهه سويت الكثير .. لحضره حسين الامير
*************************************
حسين ابعثلك رساله وادخل بمضمونهه
لكوفه ذيج البايعتنه بيعتي ينقظونهه
البيعه ذيج القدموها والكتب ينسونهه
هبت الكل القتالي ذبحتي يريدونهه
ما بقى بيهه نصير .. لحضره حسين الامير
**********************************
الناس ذيج البايعتنه وخلفي صلت الظهر
نقظوا البيعه وعهدهم كبل ما حل العصر
ذيج الاعداد الي خلفي ما بغى منهم نفر
حسين من هسه ارده اكلك دمنه عالسيف انتصر
انتصر دمنه بالاخير لحضره حسين الامير
*******************************
هون بجيتك حسين تريض ورد بالضعون
الكوفه خانت بيه انه وبيك بس توصل تخون
يعني لو باجر اجيتو مثلي هم تستشهدون
مثل ما انه ولوني مثلي باجر تنولون
خوفي من هذا المصير .. لحضره حسين الامير
**************************************
خوفي الاكثر مو علينه الزلم عادته الحرب
خوفي لا باجر حرمنه تيه ما بين الغرب
وخوفي لا زينب سبيه بسوط ظالم تنضرب
وعالهزل تمشي سبيه تروح عنكم بالغصب
وتضل بينه تستجير .. لحضره حسين الامير
***************************************
خادم الحسين عباس الصالحي
20 /9/2021
رد مع اقتباس
المشاركة الأصلية كتبت بواسطة Ramy lan
