عين وجفين .. انطيت حسين
انطيته عيوني وجفيني
ولو جنت مقصر عذريني
انطيت حسين .. انطيت حسين
***********************************
رساله امن الكمر لمه يوديهه
يرجو المعذره يطلب عذر بيهه
بجفوفه الكطيعه باصم عليهه
يكلهه هل الرساله لو قريتيهه
عن كل تقصير عذريني كثير
انه ابنج وانت تعرفيني ولو جنت مقصر عذريني
نطيت حسين نطيت حسين
*************************************
وصيتج نفذتهه وكلشي رايته
حسين بكربله مالحظه ابد عفته
ماواحد وصله ولاوصل لخته
لحد كطعت جفوفي اله فاركته
فاركته باه ظل بين اعداه
وانه اسمع جان يحاجيني ولو جنت مقصر عذريني
انطيت حسين انطيت حسين
*****************************************
بهل مرسال كلبج ردت اطمننه
وي حسين ابد مالحظه قصرنه
مسابك للذبح كبله تقدمه
وكبل حسين كل احنه تذبحنه
بس ردنه نفوت وكدامه نموت
وماجان حسين يخليني
ولو جنت مقصر عذريني
انطيت حسين .. انطيت حسين
***********************************
لوتدرين يمه بكربله شسويت
زلزلت الطفوف بسيفي من طبيت
رادت تنكلب بيهم لمن هديت
تشوفينيي ييمه بكربله تمنيت
لمن طبيت ولطف هزيت
كون بهل ساعه تشوفيني
ولو جنت مقصر عذريني
انطيت حسين انطيت حسين
*********************************
ارفعي الراس بينه يمه وحجي بزود
خوش اولاد عندج خلفيتي حيود
رفعت راس بالطف سوو المريود
هذا لظحى روحه وذاك ظحى ازنود
ظحينه نحور ونحس بقصور
ونحس قصرنه وي حسيني
ولوجنت مقصر عذريني
انطيت حسين انطيت حسين
**********************************
خادم الحسين عباس الصالحي
26/6/2021
(يهدا ثواب هذا العمل الى روح والدي)
رد مع اقتباس