السلام عليكم
بالبداية اني شخص جداً يحب الخصوصية و النظام و اكره التدخلات سواء من مقربين أو من غرباء
قبل كم يوم سمعت فلانة (جوارينـا) گايلة لعيالي شعجب راحت لأهلها و هي مصارلها شهر
اني من سمعت هيج انغثيت و گلت من تجي ارد عليها
بس اگول اخاف ارد و يصير اسلوبي موحلو وياها و عيالي احبهم و اخاف ينحرجون
فشلون ؟؟
من تضلين ادققين على الصغيرة والكبيرة تتعبين
واذا ردتي تردين عليها لازم تردين رد قاسي
حتى مرة ثانية تتجنبج
واذا سويتي هيج راح يصير عندج عدو
وتخسرين ود عيالج
وراح تعيشين حرب انتي في غنى عنه
ابلعيها واسكتي
الاواني الفارغة دائمة الضجيج
اذا تبقين مركزة ويه كل كلمة تنطق من بشر تعبين ومراح يتوقفون بالعكس هاي سولة الهم ويزداد بالمستقبل خاصة اذا حسوا انتي مهتمه و تزعلين فياخذوها نفطة ضعف... ممكن تردين بأسلوب منمق من باب الضحكة اطرقي باب الموضوع انو محد يخصه اني مدللة عيالي واهلي هيج بضحكة بينج وبين احد من قريباتج في يوم تتواجد فيه هذه الكائنات واذا هي حليمة تكفيها الاشاره اما اذا فتانه وتحب الكالات هاي مرض بيها والله يشفيها...
يقول ابو الطيب المتنبي(“لكل داء دواء يستطاب بهالا الحماقه اعيت من يداويها”) فغلسي وعيشي ولا يهمج منهم
وعليكم السلام
اشوف عادي خليها تحجي دام انتي امورچ تمام وما عندج مشكلة ويه الناس الي فعلا يهمونچ الكلام هواي والناس تحب تحچي واذا تردين على كل واحد يحچي حچاية يعني راح تنكرهين وما تخلصين ..انسي الموضوع ^^
يمعوده خليـهم شنو يگولون لا تفكرين بكلامهم مادام انتي مقتنعة بنفسج والي تسويه صح ومايغضب رب العالمين .. شعليج بكلام الناس خليه وره ظهرج وعيشي حياتج مثل ماتحبين
طنش تعش ..
هو كلامج منقوص .بمعنى اخر
يمكن اعيالج كانوا محتاجينج وسألوها على فد شيء وانت غايبة عنهم .
وقالت لهم هكذا. بريبة .. بنية صافية الله اعلم .
لكن اذا كان السؤال بدأ من اعيالج فكلامها طبيعي وزعلج ايكون على نفسج
لاعلى شخص اخر .؟
فتأكدي من الامر مجددا . وعليك الاستماع للطرفين راح اتعرفين العلة .
يمكن انت حساسة زيادة ع اللزوم . واستعجلتي باخذ القرار على مدري ياهي .
وهذا لااعتقد تدخل .من حيث نحن بالعراق واحد يعرف الثاني وهاي الايام حتى صرنا نعرف
دخل جيراننا اشكثر .
سمي بالرحمن واتجاوزي هيج امور واياك والحقد والكراهية ترى مرجعها السلبي عليج .؟
بالضبط مثل ما جاوبتج ايليتاالمشاركة الأصلية كتبت بواسطة ايليتا
رد مع اقتباس