كلمات قصيدة - لا تسألني عالفركه -| اداء مرتضى حرب -كلمات ابو معصومه الفريجي
MP3
يٱﺂ بويهَـْہَِٰ مَِـۥـِن ټسٱﺂݪني عٛٱﺂݪفࢪڪَِهَـْہَِٰ
ٱﺂنهَـْہَِٰ ٱﺂڪَِثࢪ مَِـۥـِن الخيمه مَِحَټࢪڪَِهَـْہَِٰ
ٱﺂڪَِعٛډ جٍَبټݪڪَِ شہًٍۦـࢪبة ٱﺂمَِـۥـيهَـْہَِٰ
بݪڪَِټ ټڪَِݪي شہًٍۦبيهَـْہَِٰ مَِـۥٱﺂبيهَـْہَِٰ
بويهَـْہَِٰ بويهَـْہَِٰ
الماي من جابو اليه
ومن چهبته اتعذبت
جبته يحسين واجيتك
مااشرب گبلك گلت
بين هاي الجثث كلها
يمك ابساع اوصلت
عطرك الجاباني يمك
ما تعبت ودورت
يا بويه من بين الجثث كلها
المدلله اتحن لليدللها
چنك تناشد هيه مو هيه
بلكت تگلي شبيه مابيه
بويهَـْہَِٰ بويهَـْہَِٰ
ضام چفك خاف اشوفه
وعلى الخنصر تنسأل
حتى لو مگطوع اصبعك
امسح ادموعي التهل
انه اجيت ارد اشتكيلك
گلتة هسه الگــااا عدل
گلبي ما ينطيني اعوفك
بس شسويله الحبل
يا بويه ضلت عيني بعيونك
عن اغلى شي عندك يبعدونك
بهالروحه ما ترهم بعد جيه
بلكت تگلي شبيه مابيه
بويهَـْہَِٰ بويهَـْہَِٰ
الطفله اذا يهضمها واحد
تبقى دمعتهه تصب
تشتكي تروح لابوها
وبالاخص من تنضرب
شنهي رايك بالخذوها
تناشغ بطول الدرب
بعينها تموت البراءه
التمشي وي وادم غرب
ابروحي ماتت چلمة البابا
مو حگه گلبي ايزيد اعتابه
عد الهواشم طفله مسبيه
بلكت تگلي شبيه مابيه
بويهَـْہَِٰ بويهَـْہَِٰ
هايه دنيه شلون دنيه
البيها جسمك ينسحگ
بيها كل أحلامي ماتت
من اهد ذاك الحرگ
بويه ما متعوده اعوفك
ليش صارت نفترگ
حيل مشتاگه لحنانك
والرمح ما ينشبگ
وعيونك الما عافت عيوني
من اتدنه يم راسك يضربوني
ما گال واحد هاي علويه
بلكت تگلي شبيه مابيه
بويهَـْہَِٰ بويهَـْہَِٰ
راح اروح وروحي يمك
وامشي عنك بس جسد
خاتمة حزني الخرابه
خذت من راسك وعد
اسياطهم نزلت عليه
وما احس بيهن ابد
شنهي اكثر من فرگتك
توجع ابنيتك بعد
يابويه العيونك يمشنها
مسبيه بنتك بس ولا چنهه
مادام عطرك تارس الريه
بلكت تگلي شبيه مابيه
بويهَـْہَِٰ بويهَـْہَِٰ
رد مع اقتباس
