هنا

[اميرالفتلاوي]

كلمات قصيدة ماتوكع الراية (مكتوبة) - محمد الجنامي 1444هـ

................
لو توگع الروس ..

ماتوگع الراية .. ماتوگع الراية

كل ربع الحسين .. مشاية مشاية

................................

عند المواكب ... هالخدمة واجب

بيرغهم اعتلة

ابحب او مودة … كلمتهة وحدة

هلة بالزاير هلة

من كل مدينة … يوم اربعينة

تجمعنه كربلة

نفرش دربنة … او ندري ابتعبنة

الزهرة تِسجِّله



البيرغ عگعدنا …. وانطينة الحچاية

كل ربع الحسين …. مشاية مشاية

كل ربع الحسين .. مشاية مشاية
................................

الخدمة تلمنة … او رفرف علمنة

مانخلف الوعد

من اي بلد جاي… اهلاً يمشاي

تلگانة عالعهد

ويانة عباس .. يستقبل الناس

كافل نعم السند

ندري ابگمرنة … لازم ظهرنة

يابا الفظل مدد



ربانة عباس.. سمونة وفاية .. سمونة وفاية

كل ربع الحسين .. مشاية مشاية

كل ربع الحسين .. مشاية مشاية

................................

يالتمشي حياك … امشي او علي اويالك

هذا التعب ذخر

ابهاي المسافات .. اهديلي خطوات

واهديلك العمر

لمن تطب دار … دار البخت صار

ومن فاطمة الأجر

إدعيلي بالخير … ومن تلگة تقصير

من عندك العذر

انت الوسيلة .. واحسينك الغاية .. واحسينك الغاية

كل ربع الحسين .... مشاية مشاية

كل ربع الحسين .... مشاية مشاية

................................

وبكل الادروب .. مفتوحة الگلوب

يالگاصد الولي

خالقنة خدام .. نتحزم احزم

هذي فطرت هلي

كلهم يصيحون … اغلة امن العيون

زاير ابو علي

گوم اسكن العين .. ياضيف الحسين

شرفلي منزلي



صارت مجانين ..اهل العشگ آية.. اهل العشگ آية

كل ربع الحسين .. مشاية مشاية

كل ربع الحسين .. مشاية مشاية
................................

وية اليمرون … امتانين الاضعون

كاتلهم الضمة

موكب سبي جاي … للغالي عناي

وايتامة قادمة

وين الله وترد .. بموكبنة تگعد

زينب بت فاطمة

انصيح ابمصيبة .. زينب غريبة

ودمعتنة من دمة



مشتاگة لحسين .. بت فاطمة هواية.. بت فاطمة هواية

كل ربع الحسين .. مشاية مشاية

كل ربع الحسين .. مشاية مشاية
...........
...........
نسألكم الدعاء

[الصيمري]

مشكور على الجهد