هنا

[اميرالفتلاوي]

كلمات قصيدة رحله (مكتوبة) قحطان البديري للمشاية 1444هـ قصيدة مشاية الأربعين مكتوبة


قصيدة رحلة - قحطان البديري (تحميل mp3 + مشاهدة )
................................
ليلة ٢٦ محرم الحرام ١٤٤٤ هـ
كلمات الشاعر | واثق العيساوي
هيئة الصديقة الطاهرة (ع) - الحمزة الشرقي
مونتاج | كرار الناصري - علي جمعه
مكساج وتوزيع | م. محمد عليق
................................
رحله..
بيها السهر بيها التعب يحله
بيها اتفق قلب الوفي وعقله
ابعيد الدرب بس الحسين اقرب
زایر يكل للثاني مانتعب..
سهله
................................
رحلة عشگ گبری... یا محلی هالسفره... کلمن حزم امره... والدمع
بالعين
كل خطوه محسوبه... يم الله مكتوبه.... كل قلب محبوبه... کربله
وحسين
انوي واكصد وامشي والرايه ترف
متحس غربه وتلگي كل ناسك عرف
اهله
الزاير يحس بيت الخدم.. اهله
سفرة كرم طول الدرب مدله
اليسمع الملگه... شلون يتغرب
زاير يگل للثاني مانتعب
سهلة
................................
گوم امشي يازاير.... بجدامك اتسافر... بس القلب طاير
ماتشيله الكاع
لاهل العقل راجح... هذا الدرب واضح.... كل المشه ناجح
والتعب ماضاع
احسب واجمع واضرب تتعب والسبب
كلشي اعجاز اتسجله وتشوف العجب
عجبه
ارقام.. واعداد.. وكرم... عجبه
اليحسب متكفي ارقامه لا كتبه
كل هذا لكن تسمع الأعجب
زاير يكل للثاني مانتعب
سهلة
................................
بهاي الخدم نفخر اشهور تتحضر.... بالموكب وتسهر
تخدم الزوار
تتنافس بحبها اتضيفك بموكبها جرب ولتطبها
وانت عود احتار
ايجبرك تدخل عنده گله اي نعم
واگف هو او ولده سيطرة خدم
اتعبره
هذا التحدي وفنك اتعبره
يتمدد اگبالك مثل سفره
ماتلگي من اهل الكرم مهرب
زاير يكل للثاني مانتعب
سهله
................................
كلشي اختلف لونه .... واسرار مكنونه هالرحلة مضمونه
السيد الاحرار
وكت الفجر يطلع الزوار چن منبع من كل كتر تفزع
كل فرع كل دار
وكت المغرب ينزل والخادم الك
مدلك رمش اعيونه كون يدللك
ليله
اتشوف المجالس تبدي كل ليله
ويلطم الزایر چنه رد حیله
والناعي لو صاح بحزن ( زينب)
زاير يكل للثاني مانتعب
سهله
................................
كل طفل كل شايب ..راية وعشگ جايب.. ابهذا الدرب ذايب..
يبقه حد الموت
والحرم مستوره تمشي بأجل صوره لحسين وتزوره
وبس نعي بالصوت
يتعب كلمن حاول يمحي هالدرب
قطعاً يحلم باجر جنه مايطب
باجر
يتلافت ويبقه بحزن حاير
وحسين بيده ياخذ الزاير
................................
الهذا السبب... وأسباب ماتحسب
زاير يكل للثاني مانتعب
سهله........
................................
نسألكم الدعاء

[زهرة اللوتــس]

كلش حلوة هاي القصيدة

مشكوره جهودك اخي ..