السلام عليكم اصدقائي
اريد مساعدكم بموضوع ، انا عندي كروب صديقات وهالكروب مثل اي صديقات يحجون بمواضيع منوعه من ضمنها مواضيع متزوجات اني كفتاه ملتزمه ما احب اسمعها أو اقراها لأن احس انها تأثر على التزامي الديني وكذلك تشوه أفكاري وتنغرس افكار انا ما اشوف اني في وضع يسمح انو اسمع واتجاوب مع هذه الأفكار اذا فهمتم قصدي . في حين انا ما اكدر اترك لكروب لسبب قد يعتقدن أنه تافه أو بالنسبه الهن عادي يحجون بي .
والله حبيبتي تگدرين تكتبين رسالة و توضحين الهن انهُ هاي المواضيع مو من ضمن اولوياتچ و لا اهتماماتچ اعتذري منهن برساله وحده مطولة توضح سبب خروجچ من الگروب مثل مشغولة بالبيت او بالدراسة او بالدوام
و الحل الثاني اذا انتِ هيچ محرجة جداً منهن تگدرين تنطين كتم للاشعارات مال گروب + أرشفة
بالتالي يكون وجوده و عدمه واحد :)
لڪن اني احبذ لو تطلعين اذا انت فعلاً ملتزمة بمبادئ معينة اخرجي من الگروب و حافظي على نفسچ.
بالتوفيق عمري
وعليكم السلام
افهم من كلامج انه انتي مديرة الكروب ، اذا كان هيج ف ما تكدرين تفرضين رأيج على باقي اعضاء الكروب اذا كانت قوانين المجموعة من البداية ما بيها فقرة تمنع هكذا امور
بس تكدرين خطوة خطوة توضحين فكرتج وسبب رفضها من خلال تواصلج وياهن وحده وحده
اذا تنزلين هسه قانون يمنع امور انتي تشوفيها بعيده عن توجهج راح تخلين الاعضاء يكرهون التواجد ومن المحتمل خروجهم بسبب قانون انتي تفرضي على الكل
الله يساعدج خية
شنو السالفة هههههههههه والله تحجين الاخرس
يعني من مجرد كلام تنغرس عندج افكار ويتزعزع التزامج الديني ، يا شيخة هذا الكلام اوفر تره
ان كنتِ لا تعلمي فإعلمي
عمومًا بكل بساطة ممكن تسوين كوبي لمنشورج هذا وتخلي بالكروب
عادي جدًا بلغي صديقاتج يخلن حدود لكلامهن اسهل منها ماكو
حلو أنك محافظه كدا بس مش هينفع تبرمجيهم ع ذوقك انتى ، فممكن مثلاً متكلميش معاهم ف المواضيع ال مش عجباكى ، أقفلى وسيبيهم يستى ، و متقريش الرسايل ال فيها ال فيها حاجات ع حسب كلامك تغرس فيكى أفكار وتشوه أفكار تانيه .
اذا انتي ملتزمة ليش مصادقة هيج نماذج ؟
ذكرتيني بمقولة للقصيمي
الذين يخافون على دينهم من الكلام ، قوم لا يثقون في دينهم .
من الجانب الديني فتكليفج الشرعي ان تبتعدين عنهم لحدما يتغير موضوع كلامهم .
سجلي خروج من الكروب وريحي راسج..
وتره همه منسجمين بالمواضيع اللي يحبوها مو كولش يهتمون بسبب مغادرتج ، تلقائيا اليغادر مجموعة معناتها اما مشغول او الكروب بيه التفاهه واصلة حدها.
بالله شنو اسم الگروب
حاب اروح وانصحهن والله يهديهم و يهدينا
رد مع اقتباس
