كلية الصيدلة
تهدف كلية الصيدلة الى اعداد صيدليين ماهرين و ممتازين يتمتعون بمعرفة طبية بالادوية كافة وطرق استخدامها و تكون دراستها على 5 سنوات.
بعد التخرج تتعين كصيدلاني وتگدر تشتغل بصيدليه بس ماتگدر تفتح صيدليه خاصه بيك الا بعد شهاده الامتياز والي تاخذها بعد ٣ سنوات من التعيين .. اما القسم الاعلى من الصيدلة هو دكتور صيدلي.. يعني اتكمل سنه اضافيه يصيرن 6سنوات ويصير اسمك #دكتور_صيدلي وظيفتك داخل المستشفى #تراقب جرع واتجيك على الادويه والحسابات وبكيفك تلغي الدواء الي تشوفه يتعارض مع غير دواء.. حتى لو وصفة الطبيب للمريض.. لان بهل حاله انت المسؤول بعد الطبيب.. هالقسم اسمه #الصيدله_السريريه..
نجي على اهم شيء انه الصيدله كلها حفظ مو سهله يعني نفس مالناس تحكي.. الي يريدها بإتقان طبعا.. مو يمشي شغلته شون ماكان.. وطبعا بعدين تكمل ماستر تصير تكدر ادرس بالجامعه وبعدها تاخذ دكتوراه.
التعيين مركزي في كلية الصيدلة.
كلية الصيدلة مابيها مسائي.
معدل كلية الصيدلة في الكليات و الجامعات الاهلية هو ٨٠ .
.
الصيدلة كلية حلوة و صعبة بنفس الوكت و حيحبها ويبدع بيها اخصها الي #يحب_مادة_الكيمياء، و الضعيف بالكيمياء حيواجهه صعوبة كبيرة اخصها من يوصل المرحلة الرابعة يعني لازم اتفكرون زين قبل مدخلون الصيدلة .
نصيحة_من_طالب_في_كلية_الصيد ة
اول شيء الدراسة يحتاجلها جهد وتعب وحفظ بمعنى الكلمه... ماكو شيء هين بالصيدلة.. اول سنه هي عباره عن مراجعه مواد السادس واخذ اشياء زياده بس سهله وبسيطه.. من صف2تبدي الصعوبة ومواد جديدة ومصطلحات فعلا صعبه وطويلة.. الي يفوتها لاززززم عن رغبه والا يطول بالكليه ويادوب ينجح ويعاني كثير.. العملي اللابات سهله بس يحتاجلها تركيز يعني دراسة كم ساعه بالعملي مع تركيز عاللاب جدا كافي بس النظري مابس يحتاجله تركيز وانما حفظ.. تشريح الصيدلة يختلف عن تشريح الطب... ابسط منه بس هم صعب.
رد مع اقتباس
