عزيزي انت عندك فكرة عن المراجع الشيعية ؟المشاركة الأصلية كتبت بواسطة انسان ثاني
الصدر يرجع للحائري
والحائري اخرجه من عباءة المرجعية ؟
والحائري أمر اتباعه بالرجوع للخامنئي؟؟
هو ليش صار الصدام ؟
لان الصدر صار خارج المرجعية والحائري أمر تباعه بالرجوع الخامنئي والصدر من ضمن اتباع للحائري؟ هو اصلا والد الصدر كان مقلد للحائري للعلم
راح اقربلك الفكرة ؟
انت مثلا تدرس بجامعة ؟
الجامعة أصدرت قرار بفصلك من الدراسة ؟
والجامعة أمرت طلابها بدراسة منهج معين ؟
هذ ما حدث مع الصدر ؟
دتسأل لو دتجاوب؟
لو بس اعرف ليش هالگد صارف علامة إستفهام ^_^
لا الظاهر كلش تعرف بسوالف المرجعية من كلت محمد محمد صادق الصدر يقلد الحائري ههههه
صديقي خلي اشرحلك القضية بشكل مبسط
اغلب المراجع يجيزون تقليد الاموات ، لكن يشترط ان يكون المُقلد معاصر واصل سن البلوغ عند التقليد التقليد ، يعني اني بالنسبة الي معاصر مرجعية محمد محمد صادق الصدر بس ما اگدر اقلده لان كنت طفل من تم اغتياله ، لازم اكون واعي في وقته حتى يصح تقليدي
هاي اول نقطة مال تقليد المتوفي شرحناها
نجي ع ثانية
الرجوع بالمستحدثات للأعلم ، يعني اكثر مقلدين الخوئي بقوا ع تقليده ولكن بالمستحدثات يرجعون للسيستاني
اما قضية الحائري اولا ماكو هيج كلاوات مال محمد محمد صادق الصدر كان يقلده ، لان المرجعية قائمة ع فكرة انه المرجع يرى الاعلمية بنفسه ، ومن يشوف اكو شخص غيره اعلم ما راح يتصدى للمرجعية ابد
بـ اختصار محمد الصدر سألوه يابه منو تشوف الاعلم من بعدك ؟ گللهم الحائري
فـ اتباعه بقوا ع تقليده و لكن بالامور المستحدثة يرحون للحائري ، و بعتبار الحائري اعتزل وهي سابقة ما حدثت قبل ، فـ يرجعون لأصل القول بمعنى يرجعون لسيد محمد الصدر و يسالوه سيدنا الحائري اعتزل هسه المن نقلد؟ بعتبار السيد متوفي ماراح يلكون جواب قطعي فـ كل واحد راح يقلد الشخص الي يرى بي الاعلمية ، قسم يرحون للسيستاني و قسم لـ اسحاق الفياض (وهم الاكثرية واتوقع حتى مقتدى راح يرجعله بالمستحدثة) و الي يريد يروح لولاية الفقيه خلي يروح محد يلزمه
اذا كتلي ما فهمت بعد كل هل شرح تره اضرب روحي طلقة وانتحر و خطيتي برگبتك
يا عزيزي انت تعلم هو الحائري بلغهم يرجعون للخامنئي لو لا ؟؟
وانت قلت هو محمد صادق الصدر قال الحائري أعلم مني؟؟
شوف شگد الك خلگ بس هم مو اكثر مني ههههه
اي نعم اعلم و شرحتلك انهم ما ملزمين بتحقيق اوامره لانه مو مرجعهم الاصلي ، هو يرجعوله بس بالامور المستحدثة ، وانما الاصلي هو السيد الصدر
لا ما قلت انه الصدر گال الحائري اعلم مني
هذا نص حديثي ولو تلاحظ خليت كلمة (بعدك) باللون الاحمر لان قلبي علمني انك راح تقولني شيء اني ما ناطق بي و صح ايماني هههههه
اتوقع ما يحتاج افسرلك شنو من بعدك موووووو؟
لو مناقشين كل يوميه سطر من كتب المراجع المذكورين حتى نفهم اسلوبهم وفكرهم... كان لحد اليوم مخلصين رزم كتب...
اخي الكريم... لعبة السياسة اكبر من هذا كله
ايران كانت حتى قبل الاسلام تحتل العراق بسبب اطماعها وكذلك البلدان الاجنبيه توالت على استعمار هذه الأرض... فكرة ان المرجعية تقدم العراق طبقا من ذهب.. هو اصلا مقسم من قبل ولادة السيد مقتدى
اما هذه الحوارات التي تسمى بالسياسية هي العوبة امريكية تلهي بها الاعلام لتُجاري العقول الضعيفة وتسحبها نحو الصراعات والفتن لابقاء الفرد يعيش حالة من الحرب الباردة والتي لاتنتهي لا بكلام سيد او امر من قائد او ازاحة نظام... المسألة كلها بيد سياسات عظمى... كله يصب في صالحها.. واكبر دليل تتزامن الاحداث مع اقرار الموازنة مع ارتفاع واردات النفط
هناك مثل سياسي يقال (اذا وجدت حرب كبيرة... اعلم انها تغطي جريمة اعظم) المرجعية وجدت لتنظيم حياة الفرد وفق الشريعة وليست لتسيسه... هذا فضل كبير منها ان تتدخل في انهاء فتن داخلية..
الحسين عليه السلام حينما خرج لم يطالب بثورة ولا بحكم او تغيير نظام
انما طلب الاصلاح... وقتها كان يمثل المرجعية العليا للمسلمين..
فياريت نوزن الامور قبل سردها
امتناني لمواضيعك وصراحتك في الطرح..
المرجعية وجدت لتنظيم حياة الفرد وفق الشريعة وليست لتسيسه... هذا فضل كبير منها ان تتدخل في انهاء فتن داخلية..
هذا جزء من حديث ايليتا يحتاج لموضوع مستقل شريطة على ان تكون الادله المنطقيه حاضره لانني ضد هذا جملة وتفصيلا وبالدليل
وعليكم السلام ورحمة الله وبركاته..
للأسف يااخ عاشق.. خاب فألكم وخسر تمنيكم... ومن لف لف حضرتكم
. بأن يخوض العراق ببحر من الدماء.. والحمد لله.. وكان ذلك مصداق الآية القرآنية التي مضمونها (ويمكرون ويمكر الله والله خير الماكرين).. والاية (وان كان مكرهم لتزول منه الجبال) ألم تسمع قول نبينا الأكرم محمد ص (لاتجعل الشماتة بأخيك.. فيرحمه الله ويبتليك)..
كنا نتمنى أن يكون خطابك غير هذا.. لخيبة الذين يتربصون بعراقنا الموحد.. شرا..
تحياتي.. لكل من خاب أمله باندلاع فتنة بين العراقيين.. فهم موحدون بإذن الله بكل مذاهبهم واطيافهم ومراجعهم.. وهم وكل الطوائف بالعراق والاديان محل احترام الشعب العراقي. ومتأخين منذ آلاف السنين..
التعديل الأخير تم بواسطة المستشار القانوني ; 3/September/2022 الساعة 2:54 pm
مقتل محمد صادق الصدر تلفزيون الشباب وقناة العراق الفضائية
كيف تم إغتيال محمد صادق الصدر؟
حتى المذيع العربي انصدم من تصريح مقتدى الصدر بقتل صدام حسين شاهد ردة فعله
ما هي المرجعية الدينية عند المسلمين الشيعة وما دورها في العراق؟
التعديل الأخير تم بواسطة حسن لطفى ; 3/September/2022 الساعة 7:53 pm
رد مع اقتباس