كلمات قصيدة يا شام ( مكتوبة ) باسم الكربلائي 1444هـ للشاعر حمزة السماوي
قصائد الحاج باسم الكربلائي 1444هـ مكتوبة كاملة
_________________________
قصيدة : يا شام
للشاعر : حمزة السماوي
ليلة 27 محرم 1444
حسينية الكميل الحسيني كربلاء المقدسة
_________________________
كلمات القصيدة
يا شام يا شام
من فجر الله للمغرب وكفنه
يا شام يا شام
ياخذ حقنه من عندك نجفنه
_________________________
سوگ وزلم عيد وفرح
واتخيل انت الموقف
امن الخوف مو بس الطفل
النوگ گامت ترجف
اليحترگ يركض عالاقل
وشلون بالمتجتف
اسمع مره تگول المره
راسج امسحي ينزف
ايتام ايتام
راح اتموت من عدنه عرفنه
يا شام يا شام
ياخذ حقنه من عندك نجفنه
_________________________
الكوفه ابد ما قصّرت
بس مو مثل هالوادم
حرگت ملامحنه الشمس
چا ليش نوگف لازم
ماكو شريف بهالبلد
من العبد للحاكم
والعرس من تسبي النبي
مو مثل عرس القاسم
باحلام باحلام
ما جانت تمر مسّة طرفنه
ياشام ياشام
ياخذ حقنه من عندك نجفنه
_________________________
من ينذكر طاري علي
روس الزلم تتشيم
يا شام بس انت شعجب
عندك علي يتشتم
الما يستحي يمنه وگف
ايسمع الراس اتحزم
عباس جبناها چتف
شفنه الرمح يگطر دم
آلام آلام
نزفت روس اهلنه من نزفنه
يا شام يا شام
ياخذ حقنه من عندك نجفنه
_________________________
گالو خوارج عالضعن
بهذا الاسم سمونه
هالناس مو بابة عرب
خطار ما حسبونه
الما يشمر علينه حجر
يشمر علينه اعيونه
خزونا من كثر النظر
فرجه العصر سوونه
اعلام اعلام
مو راية ابو فاضل تحفنه
يا شام يا شام
ياخذ حقنه من عندك نجفنه
_________________________
ساعات ونطب للقصر
بين الثمل والشامت
اليطلع السانه عالشرف
عباس معناه ساكت
راس الحسين بشيبته
وبصوت ناصي وخافت
عذروني بويه اعله التعب
واعلينه عينه اتلافت
بالهام بالهام
ضربة وكعته عالكاع شفنه
يا شام يا شام
ياخذ حقنه من عندك نجفنه
_________________________
شفنه الحسين امن انذبح
بس مو مثل هالصوره
باسنانه شمسوي العمد
من الضرب مكسوره
نور الله اجه من السمه
والنحر قام بدوره
عن النسه وعن النظر
انشغلو بوجهه ونوره
اقلام اقلام
خل تكتب حفظ ربك شرفنه
يا شام يا شام
ياخذ حقنه من عندك نجفنه
_________________________
ياشام وانلقنك درس
فقّار زينب خطبه
والقصر ما يبقه قصر
حسينية راح تكلبه
واتذكر ايمر الزمن
طاريك ياهو ايحبه
بس زينب اتضل عاصمه
حضره وضريح وقبه
اصنام اصنام
نهدم واحنه كدهه شما ظرفنه
يا شام يا شام
ياخذ حقنه من عندك نجفنه
............................
نسألكم الدعاء
رد مع اقتباس
