خلهم ياخذونك غيرك اهوايه
بس خليني اكلك هاي الحچايه
موكلشي انوخذ راعيه ضل مكسور
ترا الزلمه المعتبر ينوخذ رايه
خلهم ياخذونك غيرك اهوايه
بس خليني اكلك هاي الحچايه
موكلشي انوخذ راعيه ضل مكسور
ترا الزلمه المعتبر ينوخذ رايه
تعبتني بذمتك مامستراح
وضعيت من عمري بوداعك زمان
عمري خلص وانه بس اركض وراك
وانت مثل الميل كلساعه بمكان
طيف الما يجيني بطبگة العين
معدل حتى طيفه يريد اشوفه
شوصفك ياترف ياسالفة ليل
رموشك من تسولف تسكت الشفه
بـ اوَّل فراگج مانمت
وارجعلچ شگد حاولت
بس ارجع بذاكرتي
شسويتلچ ؟ خربطتي شكلي وصحتي
ظليت منتظرچ لحد مارحتي
حتى الملامح تختلف
والموعد شگد بي نقص
اتلاگينا بس اتفاجأت
حسيتچ اتقيّدتي
مو آني التغطين شعرچ يمّه
مو آني التظل حسرة بيه اشتمّة
الـ ياروحي صارت خوية؟والله زحمة
سألوني عنّچ والدمع
چذبني من گلت العذر
رأسًا گطع سالفتي
تگوليلي وين المشكلة
مشكلتي ما اعرف احل مشكلتي
الما احبه اذا راح اختنگ عاد انتِي ؟
ماريد اجرحچ بالحچي اتأخرتي
تمشي بولاية قديمه تفكر بعيشة جهالك وانت بعدك لسه جاهل
بلكت الله ابنادم يدورله عامل!
تفتر بسوك الحماميل العتيج
ايدك تمدها اعله جيبك ..تلگه خرده
تبتسم فرحان كلش
بلكت يكفن جگاير ..
تلگه خرده مشگگات تگود رجلك ..
توصل الدكان خايف
خاف ابو الدكان عكره ويرفض الخرده العتيجه
وتالي فشله تحسبك الوادم ذليل وانت شاعر..
تخزر السبعه بحسرتك
تحمد الله وتمشي سكته..
تبدي بطنك تنطبك حيل اعله ضهرك ..
وانت سكته ..
شلون بلله ..
اهنا يربي الجوع يكتل...
تنخه الله وتمشي سكته..
اي يربي هذا مخبز بلكت الله يبدل الخبزة بقصيدة ..
اباب مخبزهم قفص شايل بلابل
يبتدي بروحك تساؤل ...
شلون يقبلها القصيده وهوه ساجنلة بقفص حفنة مشاعر ...
تأبى نفسك ..ترفض تبيع القصيدة...
تبقه جايع تبقه ضايع
انت شاعر .
خاف كلها تعوف گلبك
عيش وحدَك
عيش طير
وسافِر بحزنَك وتعبك
يا جَواز لكُل وجه مبيوگ لونه
ويا سراديب الحِزن والـ آخ
والتعبن متونه
ويا بواچي
الما لگه اليمسح عيونه .
والله مو عالمدرسة
من چنت اداوم من وكت
"خاطر اشوف عيونك"
ومن چنت من يمي تمُر
چن مية ماخذ بالدرس
لمن تگلي شلونك
الهدوء الصاير بهاي العلاقة
برأيك يدل ع السلام ؟
"تختصر حُبنا بـ احبك ؟"
ماكو شي يثبتها مليت الكلام
بعمري واجهت المشاكل
وانت ماكلفت نفسك
واجهتها بـ راح انام !
شكبرنا؟؟
هذاك اليوم هلگدنا..
هذاك اليوم ماندري شكثر صرنا..!!
هذاك اليوم چنه مناوش بلعب الدرابين..
وركض وانتيه؟؟ وآخر شي نرد للبيت وحدنا..