مابين صدگ وچذب
ضاعت معانينا
فجأة لگينه العمر .. طالع گبل بينا
ضعنا بضباب الزمن
والجاي ماينحزر ..
مو واضحة سنينه
متيهين باب الفرح
غربة وندور نشد ..
محد يلفينا
نتمنى نكبر گبل
ولمن كبرنا صدگ .. نتمنا ماجينا
ننزف وماصح گطن
من روحة ينطينا
ونفرض لگينه گطن
البينه اكبر من الجرح
مانعرف شبينا..!
عقيل العرد
مشتاكلك توجعني واحجيهه وبس توصل لشفتي اختنك بيهه
ولزمهه واخاف الوادم يسمعون
أسد شفتي وتصير بعيني وابجيهه؟
الحجي بيناتنه تريد الصدك تعبان !
بطرگ عيوني تبچي أوجهي ينطي الوان
عله ساعه وفوگ راسي يسولف الدفان
ما مشتاگلك
عطشان !
سير يا هوه الله صويحبك غرگان؟
شنفضهن نفض شو كلهن التمن ولا عطوه نطني ولا رضن يهدن
شكثر اسهام كلهن فد وكت هدن
سهم اوداع وسهم اوجاع
وسهم ذاك العزيز الصار جوه الكاع
وسهم عمري وزماني الضاع
وتاليهن العوز الاكل بيه اضلاع
شنفضهن بعد ونيابهن حدن
شاه وبين سبع اذياب شيخلن
انه بطرك العضم والدود بيه اكلن؟
حضرتك تختَفي واشتعل مثل الناراضل مِتوتر وعايش على اعصابي
وأنه من اختفي ميضل بالك ليش
عندك وادم يلهوك بِغيابي؟
أنت أخر چلمه منك تعبتني أنت كون تشوف ليلي شلون يخلص !
وداعتك چا ماعفتني
گلي شنهو البذر مني وفارگتني
ليش رايح !
وليش يومي يخلص
الحيل أله أعبره
وليش عايفني ورق
وبحضني جمره
ولك مو يعقوب أني
وتمتحني بطول صبره؟
هذا آنه بغيابك كُلشي ما بيهَ حَسبالك بدونك واگفه الدنيا ؟
ما أخليك تتشمت
شوف دموعيّ ما نزلت
انه أنسان دَم وإحساس
حتى لروحيّ ما طخ رآس؟
من آخر شلونك وآنه مشتآك ومن آخر لقآء لـ هسه بردآن
ومن آخر (حبيبي) وغربتي تفوح
ومن آول ليله بعدك عمري خلصآن
تمنيتك هوى بـ فجريتي تنضآك !
ويمُر بيه الخريف ويآك بستآن !!
وهَسة گلي شنهو عذرك.؟
اني منطيك العيون
وانتَ كضيت العمر
منطيني ظهرك
انتَ بايعني ببلاش
واني خايف لا اخسرك
انتَ كاسر كلشي بية
واني خايف لا اكسرك
ومن بعد كل هذا اريدن
سَبب واحد
حتى اعذرك
شنهو عذرك.؟
افرزنهن عدل
واعزلهن الخشنات
واخذ كل ثگيلة وراكزة وتازة
اعرفهن
واجيهن جية مستنگاه
ماريد الوجوه المالهن عازة
م
