هاملني ..
يشسمك ...
عود ما تهتم ..
ما اخوفك وانا دكتور وانت جنازة متروكه ،
من اجي يمك اسحبك ناشف من الدم ..
هدى الكعبي
هاملني ..
يشسمك ...
عود ما تهتم ..
ما اخوفك وانا دكتور وانت جنازة متروكه ،
من اجي يمك اسحبك ناشف من الدم ..
هدى الكعبي
لا اكدر أوصل الك
ولا أكدر أحجيلك
وما تدري گم الوجع من أكعد ادعيلك
وشگد صعب تندم وچفوفي مو يمك
وما اخذك بـ الحُضن من يحترك دمَك
يلحاسبينك هَوا
ومانكدر نشمك
ولا نگدر من الألم بـ أرواحنا نضمك .
من الله تجي وبروسنا تطيح.
(الأماعين)
والمادروا گالوا تخسره وانا شنهي الماخسرته وحتى اخسره
كاظم اسماعيل الگاطع
انام وبالي يمهم خاف غثهم طيف
محمد الجراح
الرسالة الما تجي بموعدها ما تسوة
مِاكـو چارهَ ؟
أدري الأسمر دوُم مغرور بسَماره
مو بيدي من أبتسم كلما حچوا عنك
بس انت ضحكة طفل
ماينشبع منك
والروح لمن تمر يابه شكبر حظها
وعيوني اذا شافتك جيب اليغمّضها
مرتاح يمك واحس
كل الخساير قبل
بيك الله عوّضها
وكل نسمه منك تهب تاخذني وياها
ومعذور اذا بالغت
زينات كل البشر بيك الله خلاها...
سيف جواد
فوك الشفايف سالفه تنكط محنه بكل حرف تنطر يمر بيهه عرف بس موش حي الله عرف
تنطر يمر بيهه النده بخد الترف...
تنطر وفه بشح الوفه وجلمة صدك...
وعيونهه بدرب المشو مرجوحه من غرب الشرك
ماظن تجي وماظن يجي والسالفه بين الشفايف تحترك!!
كون تشوف روحي شخله بيها الخوف
مثل حلة مدارس روحي احسها اطفال
حلت وتركتني وباقي بس صفوف
وياوحشة صفوفي ومن يجيني الليل
ويالون الوجه بعدك الضل مخطوف
كون الكَاكَ واشكيلك على جروحي
الكَيت الغشمة بيها تروف
وكون الكَاكَ وابجيلك
وسوي خدودي صبورة ودمعتي حروف
وكون الكَاك واشكيلك
بكتاب السنين انحذف كلشي الجان
بس اسمك لكَيته الباقي مامحذوف
كون تشوف
عيوني مضيف تصير وكت النوم
وهلبت بالحلم لنك تجيني ضيوف
كون تشوف حالي شكد الك ملهوف
ـــــــــ
اكثر قصيدتين جنت احبهن .. هاي وماردت احبك حاولت
