#العليله
يحبابي ترجعون ترجعون لاحضاني
____
من سمعت القافله .. تجهزت للعايله
گاصدين الكربله .. وهالخبر ألّمني
ووالدي ليه گصد .. ووگف گدامي وگعد
گلي يبنيتي بعد .. ما تگعدي بحضني
يبنيتي والفراگ والفراگ وداني
___
گتله يا ضي الشمس .. انت تدري انت النفس
لو مشيتو انحبس .. ليش ترحل عني
هذا مو طبعك تره .. تعوف بنتك حايره
راح اشكي لحيدره .. امن النجف يتعني
يا جدي حچي حسين حچي حسين آذاني
___
وين جدي وقدوتي .. وين روحي وراحتي
وين گلبي وشمعتي .. وين حاضر يونس
ما تعاين شدتي .. تدري هذي عيلتي
يريدو والله فرگتي .. يامن اسمك يونس
يا حيدر يكرار يكرار هاي آني
______
لا تگلي اعله الرحيل .. بوي گلي لا دخيل
ما أعوفچ مستحيل .. لا تنزل دمعك
بنتك آنا يالحبيب .. تدري بالعلّه تطيب
من أشوفك يا عجيب .. شو تغير وضعك
ما ترهم تروحون تروحون ولياني
______
أمس مو چنه سوه .. واحد لواحد هوا
وكلنا نفس المحتوه .. امن اتفرق نتعب
يا هواي وبسمتي .. يا ضواي وغيرتي
اقسم بحق جدتي .. ابقى والله انحب
يا جده يزهراء يزهراء بچاني
______
گلي يبنيتي وصل .. موعد الفرگه حصل
ادعي من خير العمل .. أن يصبّر گلبي
راح اگلچ يالورد .. أدري گلبچ ينمرد
بويه والله ما نرد .. يا عيوني ودربي
يا عمري بالطفوف بالطفوف عنواني
______
علي محمد الشمري