كلمات قصيدة سيد الاحساس ( مكتوبة ) علي الساعدي 1444هـ للشاعر ميثاق الحمداني + تحميل واستماع
كلمات القصيدة
ثلث حاجات اطلب منك.. يالمترد الحياره
يحسين الحب والخدمه.. وماتحرمني الزياره
______________________
ممكن اسالك وانطر جواب.. يحسين احبك تقرا حبي
والله آنه اعرفك سيد الاحساس.. لكن ليطمئن قلبي
.........................
يالمن الله لكيته.. الماشفته وحبيته
مازال آنه عايش اكلك احبك
خل ايدك على قلبي.. وتشوف شگد حبي
حايط بيتي اشوفه شحلاته من اكتبك
ماكو اجمل من احساسي.. من ارفع رايه اعله بيتي
واطلع بالموكب ابني.. وانصب منبر عزيتي
والبسلك ثوبي الاسود ..حتى تبين هويتي
والخدمه قضيتي
شتسوى الحياة بدون الحسين..وهنياله اليگضيها مسبي
بلا دعوه ترفع شأني عالناس..لكن ليطمئن قلبي
.........................
الصوره التشبهلك.. بيها اشگد انظرلك
صح مو واقعيه.. لجنها حنينه
بوجهك كل حب شفته.. اجمل انسان انته
شايل ابتسامه.. وعيونه حزينــه
يحسين وتحله ايامي.. من اخدم بالمواكب
وي خدامك تلگاني.. صاحب يسند لصاحب
شاب بصف شاب يخدمك.. ولازم ويانه شايب
يحشمنه ويراقب
اذكر حبيب امن انظر عليه.. تنزل دمعتي وانسى تعبي
لا مااسألك ارفع الراس.. لكن ليطمئن قلبي
.........................
خليني بهالخدمه.. لا تحرمني النعمه
خليني اعيش واموت اعله ايدك
حسين ولو حل موتي.. لا تترك تابوتي
لو هالوا ترابي عليه اريدك
ثلث حاجات اطلب منك.. يالمترد الحياره
يحسين الحب والخدمه.. وماتحرمني الزياره
تعرف باليبعد عنك.. اظلم يصبح نهاره
وادموعه شعاره
ياحاء سين وياء والنون.. مابي مواكب ماهو دربي
بدربك اقارن ماكو مقياس.. لكن ليطمئن قلبي
.........................
رافعني اعله الوادم.. ويسموني الخادم
ياحسين وخدمتك جبيره عليه
مو بس من خدامك.. حط بقلبي اخيامك
خيامك خلها تحرگني مو بس رقيه
عيشني جروح العاشر.. راويني اللي تريده
مثلاً من انت تدور..عباس وتلگه ايده
خل تخلص كل سنيني.. ابالي المشهد اعيده
وابجي بكل قصيده
والگه لرقيه صوره بالماي.. وابجي واگلها انتي شربي
تحسبني جندي ادري عباس.. لكن ليطمئن قلبي
.........................
كلمات الشاعر : ميثاق الحمداني
للتحميل mp3 برابط مباشر
اضغط هنا
تحميل القصيدة | قراءة مجلس | برابط مباشر
من هنا
_________________
نسألكم الدعاء
للتحميل mp3 برابط مباشر
رد مع اقتباس
