كلمات قصيدة ليش الأنظار عالمحمل ( مكتوبة ) باسم الكربلائي 1444هـ للشاعر السيد عبد الخالق المحنة
...........................
قصيدة : ليش الانظار عالمحمل
للشاعر : السيد عبدالخالق المحنه
ليلة 26 محرم 1444
حسينية الكميل الحسيني كربلاء المقدسة

...........................
ليش الأنظار .. عالمحمل
عمي العباس .. مايقبل
غضو الأبصار.. لايزعل
...........................
يشايل راس أبوي إشبيك تتأخر
أريدك أول الماشين تتصدر
يشاغلهم جماله أو ذبحت المنحر
وأريد الناس ماتنظر على الخدر
سبحان الله .. نكرونه
بعد التقديس .. كرهونه
شبسرعه الناس .. تتحول
...........................
أحس براس أبويه إبمحنتي داري
يسولف مدمعه وي مدمعي الجاري
عله أخباره سألته أو كال شخباري
طفت نار المخيم بس بقت ناري
ها يالعطشان .. شخبارك
بعدك عالماي .. أنظارك
حي أو مذبوح .. تتحمل
...........................
اذا زينب تون ما أمتلك صبري
تكلي اشلون حالي من بعد خدري
اكو عدها سؤال إيكسر إبصدي
تناشدني كفيلي يدري مايدري
شكرا لله .. عالنعمه
هذا المقسوم .. ياعمه
بنت الكرار .. عالهزل
...........................
شوصف حالتي او من يعرف البيه
بقيت اصفك ابإيدي او طاحن إديه
شنو حال الغيور الإخته مسبيه
يضربوها أمامي أو تنظر إعليه
أشكف بالسوط .. عن اختي
وسأل خو ما .. إتألمتي
إحنه الأكرام .. ماننذل
...........................
أباوع لليتامه أو گلبي يتألم
اذا طاح اليتيم الحادي مايرحم
سياط اعداي حمره او كل وجه بي دم
عله كل ناكه مأتم والوضع مأتم
عين العباس .. من تحمر
لازم شي صار .. عالخدر
حته ابهل حال .. يتكفل
...........................
شفت حالة رقيه أو ردت أساعدها
سألت الحادي بلكت مايكيدها
عله إعنادي ضربها او شتم والدها
دريت آني بعد كم يوم وفكدها
متعوده إتنام .. بحظانه
هسه إعله النوك .. سهرانه
ياريت الموت .. يتعجل
...........................
إزدحام او سوك والعصريه جابونه
نعم صفين وكفوا من تلكونه
قسم بحجار يرمونه أو يشتمونه
قسم ها يالخوارج من ينادونه
والكل فد صوت .. كالوهه
إخت العباس .. جابوها
حته الماشاف .. ظل يسأل
...........................
سؤال الناس واحد تسأل إبلهفه
يسألون إعله زينب يا ألف وسفه
بقت بين النسه وطفال تتخفه
تمنيت الكفيل إبمرهفه أو جفه
هاي الأيام .. لو دارت
حتى المتصير .. هم صارت
بنت الكرار .. تتكبل
...........................
نسألكم الدعاء