قصيدة ملك الموت كل ما راد قائد ( مكتوبة ) باسم الكربلائي 1444هـ للشاعر حسام الحمزاوي
..................
قصيدة : ملك الموت كل ما راد قائد
للشاعر : حسام الحمزاوي
ليلة 9 محرم 1444
قاعة بغداد الكبرى - مكتب السيد الحكيم
.......................
ملك الموت كلما راد قائد
حسين يروح ينطي احلى واحد
.......................
من حسين شابگ علي الاكبر
شويه شويه گام الگاع تزغر
من گله الرسالة تريد منحر
اليوم يگله اشوفك ولد حيدر
گله انطيني سيفي يصير شاهد
حسين يروح ينطي احلى واحد
.......................
اخذ لا تخاف گله الدين يسوه
خير من الله عدنه ارگاب حلوه
الموت يگله ما خليت تچوه
يگله اولادي لله تروح فدوه
كلما شاف راس الرمح بارد
حسين يروح ينطي احلى واحد
.......................
طلع من المخيم يشبه اثنين
يشبه وجه طه وغيرة حسين
من شافوا وصلهم شايل الدين
ضموا روسهم كل الشياطين
رد عطشان الاكبر نهر رايد
حسين يروح ينطي احلى واحد
.......................
من گد ما حلو ينشاف باله
ما شايف بشر ابيض خياله
حتى الموت من صد الجماله
تمنى الموت يستشهد بداله
من شاف الزمن رايد مجاهد
حسين يروح ينطي احلى واحد
.......................
السيف شگد حلو تچفوف ترفه
يرجع عسكر من يشيل چفه
محد بارزه وبسهام صلفه
طاح وكلشي گام يصيح وسفه
صوت من الخيم للعرش صاعد
حسين يروح ينطي احلى واحد
.......................
گام الموت من حسين يخجل
كلما يطلب ايوديله الاجمل
حسين يگله اخذ لا الله يزعل
بياض وجوهنه من الله يقبل
اهل البيت نوفي من نواعد
حسين يروح ينطي احلى واحد
ملك الموت كلما راد قائد
حسين يروح ينطي احلى واحد
.......................
نسألكم الدعاء
رد مع اقتباس