هنا

[أبن الاشتر]

حسب كوكل يضرب لحمل العائلة الكئيبة على الفرح والطرب و يحثهم على التفاؤل..
وحسب آني المثل واضح من عنوانه

اي هذا معنى الجملة برمتها لكن الواقع يقول عكس هذا المعنى .
مثال ع السريع .
تعرفين ياس خضر . دمر حياته ابنه حسب الاخبار من تحت الطبلة .
تعرفين حسين نعمة .يكلج مرته معلمة ولما يسكر تجيبه من شعره وبالنعال حاشاج .
والباقي انت تعرفينه من طلاق ومشاكل مابيناتهم . الخراب حتى وصل شاكيرة
هاي الاكثر من ملكة بالظاهر .
هيج انا اقيس الامر من وراء هذا المثل
..............
انت عمرج شفتي سهم .داخل علج ابوالسهم .؟

[NO OR]

والله يااخت نور المساله ليست مزاج الفرد والجواب يكون فيه حرية
انها مسالة عميقة .؟
وانا اعتذر من الرد على تعليقك لان الرد فيه شجون . ويسبب لنا مشكلة .
وانت غالية .فاريد احتفظ بهذا الغلاء ولكني اتمنى ان تراجعي ردك وتغيريه .
بالنهاية . الشمري لااعرفها .ولكن اكيد غير مسؤولة بالدولة فكل ماتفعله يخصها ولايعم على غيرها .
وهذا واجهه لنا كلنا العراقيين .؟وكل مايفعله ينعكس علينا .
ونحن شعب عنواننا واساسنا غير فمن شط عنا يعتبر مخالف ومكتسب افكار اوحركات من المعسكر المغاير لنا .
شكرا لك ولحضورك الطيب

خيي الغالي اني هم ما اريد اتناقش وياك لان كلامك اكل عليه الدهر وشرب

[Suzana]

اي هذا معنى الجملة برمتها لكن الواقع يقول عكس هذا المعنى .
مثال ع السريع .
تعرفين ياس خضر . دمر حياته ابنه حسب الاخبار من تحت الطبلة .
تعرفين حسين نعمة .يكلج مرته معلمة ولما يسكر تجيبه من شعره وبالنعال حاشاج .
والباقي انت تعرفينه من طلاق ومشاكل مابيناتهم . الخراب حتى وصل شاكيرة
هاي الاكثر من ملكة بالظاهر .
هيج انا اقيس الامر من وراء هذا المثل
..............
انت عمرج شفتي سهم .داخل علج ابوالسهم .؟

ههههه لا والله ماشفت
الطلاق والخراب مو قياس هسه
لانه الطلاق بالعراق صار "ظاهرة" سوى العائلة طربية او لا.

[أبن الاشتر]

ههههه لا والله ماشفت
الطلاق والخراب مو قياس هسه
لانه الطلاق بالعراق صار "ظاهرة" سوى العائلة طربية او لا.

والله قبل شهر بنت عمي ولااحلى منها بنت ورجلها حسبالج عزة الدوري
وطلقها . ليش .
لان اخوها اختلف وياه تعارك .؟
والمشكلة اثنينهم ايصلون يمكن لومطربين ماوصل الحال الى هذا الحد .
فانا لااقصد هيج طلاق .
اقصد من باب نفسية المطربين غير مستقره على اعتبار طامس بالمعجبات .؟
وكلنا نحلم ونتأمل ونتعب ونشقى من اجل الحصول على شيء تستقر نفوسنا من خلاله .
فلو صفطي ابطيارتج على بابي وشمرتيني بقلب اوربا لكن مامرتاح نفسياً شسوي بيها
وطاح حظها من عيشة حشاج .
اهم شيء الاستقرار وراحة النفس على طرب اوعلى تجويد .

[أبن الاشتر]

خيي الغالي اني هم ما اريد اتناقش وياك لان كلامك اكل عليه الدهر وشرب

هذا الرد عجبني جدا
نعم اكل وشرب بعد ماانتصر الاعداء عسكريا وليس معنوياً.
ولاتنسي انا اتكلم عن الظاهر .
وبالظاهر لابد وان نظهر الاحترام كنا مسؤولون بالدولة او مسافرين الى دولة اخرى .
وهذا قصدي .
والا شنو انا قابل مسؤول عن الامة لومعلم اخلاق عالمي .
شكرا لك وشكرا لروعة شخصك المتفهم
تحياتي

[زهرة اللوتــس]

قــال النبي محمد (صلى الله عليــه وآله وسلم)

« طوبى لـــمن شغله عيبــه عن عيـــوب الناس ،
وويــل لـمن نسي عيبــه وتفرّغ لـــعيوب الناس)

الشطر الاول من الحديث علامة السعادة وهو انشغالك بعيوبك ومحاولة اصلاحها ، والشطر الثاني علامة الشقاوة وهو البحث عن عيوب الناس ومحاولة نشرهــا

[أبن الاشتر]

قــال النبي محمد (صلى الله عليــه وآله وسلم)

« طوبى لـــمن شغله عيبــه عن عيـــوب الناس ،
وويــل لـمن نسي عيبــه وتفرّغ لـــعيوب الناس)

هذا هجوم علينا حتى ماكو انذار والبس الخوذة
هههههههههههه
النبي ص قالها على مثل هذا المسؤول .مثلا وضع نفسه في هذا الموقف . وراح يتكلم على غيره .
ام علينا اللي نحن نقول .اخوان اتظاهروا بالطيب امام الناس .
يعني لانقول لهم احنه احسن منكم . ؟
لكن نقول جائز عدنا تصرف اكثر من تصرفكم لكن ابستر ويغفر له الله وليس بالتشهير
والمشهور من الفساد باللفظ او التصرف امام الملأ صعب التوبه والاستغفار منه .
زهرة اللوتس
بسمارج قوي بس يمكن موبمحله
حياج الله
ههههههههههههههههههههه

[زهرة اللوتــس]

يمكــن مافاد قول الرسول (صلى الله عليه وآله وسلم) مع انه رجعت شرحتــه گلت خاف مامفهوم للبعض .. لعد قوله تعالى:

"يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لا يَضُرُّكُمْ مَنْ ضَلَّ إِذَا اهْتَدَيْتُمْ"

ركز على إصلاح نفسك أولا وتحقيق هدفك ثانيا ودع الخلق للخالق.

[عدنان الواثق]

والله اني اشوف هذا الموضوع اخذ اكثر من حجمه الطبيعي الي اذا خلوه بصف حبة الخردل اصيرله ظل تحميه من حر الشمس ..يعني بالمختصر هاله اعلاميه مفتعله الغرض منها صرف نظر مؤقت عن كل المصايب الي حاصله بالعراق ..وسلامتكم مع تقديري لصاحب الموضوع .

[أبن الاشتر]

يمكــن مافاد قول الرسول (صلى الله عليه وآله وسلم) مع انه رجعت شرحتــه گلت خاف مامفهوم للبعض .. لعد قوله تعالى:

"يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لا يَضُرُّكُمْ مَنْ ضَلَّ إِذَا اهْتَدَيْتُمْ".
وهذة الاية الكريمة الله عليج تجي مع مسؤول فاسد .ومثل هكذا موقف .؟
كولي الله غلطان ليش الرسول ص خلص عمره يحارب ال ابوسفيان واليهود .
عليه ابنفسه وبأيمانه والسلام


ركز على إصلاح نفسك أولا وتحقيق هدفك ثانيا ودع الخلق للخالق.

(هدفي ازيح هكذا فاسدين ولو بأضعف الايمان )
الاخت زهرة هذا الحديث مايجي مع تحركات الساسة . اوالملوك وهذة الطريقة يستخدمها وعاظ السلاطين لما يخطأ
الملك او من اتباعهه يذكرون الرسول ص او الكتاب الكريم .
كيف ذلك .ان شرحك الرائع عن البحث عن عيوب الناس .
فالناس العوام جيرانك واصدقائك ولو سلمنا واخذنا بهذا الحديث في مثل هكذا موقف مشهور
ومن مسؤول معناها صرنا وهابية بالافتراض .
يعني مثلنا احنا كعراقيين نحب علي ع ونطبق افكار معاوية .
فاعتقد لم تصيبي هذة المرة رغم اني اعرف نيتك طيبة رائعة لكن الحديث هنا في مثل هكذا موقف يفقد قيمته .
والسبب لاننا تحت فساد مستشري من قبل الحكومة .
............
اما عيوبي لربما اكثر منه الله اعلم لكنني غير مسؤول ومغلوب على امري .
فلامقارنه مابين عيوبي وعيوبه .
على اعتبار هو يحاسبني اذا اخطأت فكيف اذا هو أخطأ
المهم شكرا لك واتمنى لك صحة وامان يارب