هنا

[المستشار القانوني]

بسم الله الرحمن الرحيم
أحبتي الغالين
أكتب هذه السطور وانا متألم لما وصل به حال بلدنا الحبيب..
اخر الأحداث.. اعتصام مناصرو التيار الصدري أمام مبنى مجلس القضاء الأعلى للضغط باتجاه اصدار قرار من المحكمة الاتحادية بحل مجلس النواب.. ومجلس القضاء الأعلى يرد ان ذلك ليس من صلاحيات القضاء.. بل ان حل مجلس النواب مرهون بمجلس النواب نفسه بأن يجتمع ويحل نفسه.. والمجلس مبناه مقفل.. وجلساته معلقه حتى إشعار آخر حسب السيد الحلبوسي..
الي اين نحن متجهون..
انتظر معرفة ارائكم حول ماحدث ومايحدث.. وماهي توقعاتكم الي أين يتجه العراق؟؟!!

[Suzana]

بالنسبة للاعتصامات الدستور كفلها وباي مكان وماكو استثناء ابدا اما المتظاهرين فقدموا جملة مطاليب مو فقط حل البرلمان وانما عدم تسيس القضاء وفصل الادعاء العام عن مجلس القضاء وهذني مادام باقيات فمايصير للعراق حل ..
وبعدين همه مجلس القضاء شو جنهم واكفين على شعره ادري واذا تظاهروا الجماعة شنو المشكلة ؟
تكومون وتعطلون شغلكم اهوايه كوارث صارت وين القضاء منها !
وين يتجه العراق ؟اهوايه ازمات صعبة و تعديناها وهذه سهله ان شاءالله.
شكرا استاذ

[فقار الكرخي]

بالنسبة للاعتصامات الدستور كفلها وباي مكان وماكو استثناء ابدا

تقبلين واحد يتظاهر بسطحكم

[Suzana]

تقبلين واحد يتظاهر بسطحكم

هههههههه حاره عليه خطيه

[زاهــــد]

احدهم يقول امنعوا تصدير النفط ،كل الامور تعود الى طبيعتها حتى القطيع وراعيه سيعود الى بيته!
ما افتهمت شنو علاقة النفط بالموضوع!

[المستشار القانوني]

بالنسبة للاعتصامات الدستور كفلها وباي مكان وماكو استثناء ابدا اما المتظاهرين فقدموا جملة مطاليب مو فقط حل البرلمان وانما عدم تسيس القضاء وفصل الادعاء العام عن مجلس القضاء وهذني مادام باقيات فمايصير للعراق حل ..
وبعدين همه مجلس القضاء شو جنهم واكفين على شعره ادري واذا تظاهروا الجماعة شنو المشكلة ؟
تكومون وتعطلون شغلكم اهوايه كوارث صارت وين القضاء منها !
وين يتجه العراق ؟اهوايه ازمات صعبة و تعديناها وهذه سهله ان شاءالله.
شكرا استاذ

والله ياست سوزان ماادري شگللج..
الاعتصامات والتضاهرات.. كفلها الدستور.. فعلا... وهي شيء مشروع..
لكن كل حدث يحصل بالعراق يتبعه تصعيد.. الي مالانهاية.. الآن نحن بلا.. برلمان..
ومحاكمنا تم اعلان تعليق العمل بها.. يعني سلطتين.. من أهم السلطات الثلاث.. أصبحت مشلوله..
لم يبق سوى السلطة التنفيذية.. وهي حكومة تصريف أعمال... وتقوم بأعمالها بلا موازنة..
هل هذا الوضع يصلح لبلد..؟!
لمصلحة من يبقى هذا التدهور بالاوضاع...

شكرا جزيلا لمرورك... ومداخلتك... أستاذة سوزان

[المستشار القانوني]

تقبلين واحد يتظاهر بسطحكم

لا استاذ فقار.. كلها ولا السطح... وين نشر الهدوم يخالي...

[زاهــــد]

سيد الاصلاح ينسحب!

[المستشار القانوني]

احدهم يقول امنعوا تصدير النفط ،كل الامور تعود الى طبيعتها حتى القطيع وراعيه سيعود الى بيته!
ما افتهمت شنو علاقة النفط بالموضوع!

والله يااخي يازاهد فعلا... النفط اكبر نقمة بدل ان يكون نعمة للعراق وللشعب العراقي.. البرميل يقترب من ال١٠٠ دولار... ونسبة كبيرة من شعبنا تعتاش من المزابل. . دول الخليج طورت بدائل للاعتماد بعيدا عن النفط.. واحنه اقفلنا مصانعنا ومعاملنا اللي من خيرة معامل الشرق الأوسط.. اكراما لعيون الفاسدين المستوردين.. ولعيون ألموردين.. اما النفط ففي جيوب المنتفعين وكروشهم المتخمة.. وبناء محطة كهرباء عملاقة خط أحمر.. ممنوع.. لكن ان نرتبط بالدول سلكيا نشتري منها الكهرباء ونبقى تحت رحمة مزاجها السياسي فهذا أمر مطلوب بل واجب..
لاحول ولا قوة الا بالله العلي العظيم..
وماخفي كان أعظم

شكرا جزيلا لك

[Laraa]

طالما اكو مناصرين من الشعب تابعين لجهة من الحكومة معناها ماكو شي
كلشي ميصير اكعد رجل ع رجل واتفرج
بيناتهم يتزاعلون ويتصافون ويوزعون اللي الله قاسمه
والمناصرين حاركين رؤوسهم بالشمس وهم لا ناقة ولا جمل

من الشعب بأكمله يكون تابع للوطن بس بذاك الوقت نهتم بالموضوع ونتسأل شراح يصير