شُكراً جزيلاً عباس ما قصرت ويانه
صاحب فضل ما ننساك كل شده ما تنسانه
بالحُب الک هالخدام كلمن يمثل دوره
واحد كتب يا عباس واحد رسملک صوره
والغذتک حُب حسين مُطمنه ومسروره
مشكوره أمک عباس چي جابتک مشكوره
والي ينكرک عباس الله يخرس السانه
صاحب فضل ما ننساك كل شده ما تنسانه
ما دامک انت موجود كل حاجه مامرجوعه
عند الله راسک مرفوع وحچايتک مسموعه
احسبنه ايتام حسين لمن غزتنه اللوعه
نتوسلک ومچلبين بچفوفک المگطوعه
والحمدُلله مشكور كُلشي بقى ابمكانه
صاحب فضل ما ننساك كل شده ما تنسانه
خلينه دوم احنه وياک يالرايتک خيمتنه
ظلت ستر يا عباس ما فرقت لمتنه
خدامك نضل واليوم نتوحد بكلمتنه
احرمنه من كلشي ولا تحرمنه من خدمتنه
لو فزعتنه عالموت كلمن يُگلک انه
صاحب فضل ما ننساك كل شده ما تنسانه
غالي وسلام الله اعليک گد ما اخوک اتعذب
گدما نزف جسمه اجراح گدما رُقيه تنحب
غالي وسلام الله اعليک وعلى الخيام التلهب
امحبک ابگد حسين وبگد مدامع زينب
حرک المخيم للان بينه توج نيرانه
صاحب فضل ما ننساك كل شده ما تنسانه
گربت مواجع عاشور ومن هسه عشنه ايامه
هذا اليحظر زنجيب هذا اليحد القامه
بعاشر مُحرم عباس ما تكتفي اللطامه
شنلطم بعد ما نرتاح اله نطبر الهامه
عشاگک احنه وحسين هو العشگ عنوانه
صاحب فضل ما ننساك كل شده ما تنسانه
علمنه چفک عباس للغالي نرفع رايه
بالاربعين انروح ثورة عشگ وفايه
مو كلمن ايموت ايعيش واحبابه تبقى هوايه
اهوايه وشميرجعون ما تنقص المشايه
درب الوفه دربک صار بس عالشرف دلانه
صاحب فضل ما ننساك كل شده ما تنسانه
شُكراً جزيلاً عباس ما قصرت ويانه
صاحب فضل ما ننساك كل شده ما تنسانه
رد مع اقتباس
المشاركة الأصلية كتبت بواسطة جَنـوبـيـة♡
