طب للحرايب اجمل مُحارب
طش الكتايب داس الشوارب
ليث الهواشم سمته يرهب جماله وغيرته موصوفه
بچاها بعيونه الزلم غيرة علي ويردم ردم بچفوفه
هيبة مُحمد لو ظهر صولاته من عمه الگمر معروفه
للخيمه صاح ادللي والجيش اعزلنه وعلي من اصفوفه
يُرهب حسامه غيرة عمامه
لابس لثامه وسوه القيامه
_______________________________
شاب شحلاته من يهد بعيونه يقراها الحمد آياته
مدهم ومرعب بالحرب يغلب ابد ما ينغلب محلاته
شمرة اديه من حيدره ومن زود سبع الگنطره ريشاته
طباها الاكبر مرجله من سيفه شردت كربله وصولاته
درع العشيره بعيونه غيره
لحسين اميره حيرها حيره
____________________________________
سواها سوده الملحمه يشمرها گام اعله السمه ويچفيها
سبعين الف رگضو سوه هيبه وطحنها نينوى امبچيها
طبها الفحل وابن الفحل حي على خير العمل قاريها
بالعركه ما لابس درع مثل الهوه ماينسمع من مر بيها
سيفه المنيه راعي الحميه
طش آل امية بالغاضريه
____________________________________
سيفين شايل مبتسم هذا الغضنفر والشهم طب غاير
الگابل حسامه يبتلي عباله طب حيدر علي ظل حاير
فقاره بيده ومنتصر جيش ال اميه بكل كتر متحاصر
بأرجوزته الأكبر حمل شافو جهنم من نزل بالعاشر
بدر الهواشم بچه الصوارم
صيد الملاحم بكر ابن غانم
____________________________________
هذا الأسد وابن الأسد يا قل هو الله احد ترتيله
طبهم شبيه المصطفى نور الجلاله الماطفه مضويله
فوگ النهر دگ العلم عباس چنه لو هجم ياحيله
لعيون عمه من يصد ياخذ الحيل ومن يهد يدعيله
كلما بداها ترعد سماها
والحومه اجاها وطب سكتاها
طب للحرايب اجمل مُحارب
طش الكتايب داس الشوارب
____________________________________
كلمات : السيد محمود الموسوي
رد مع اقتباس