كلمات قصيدة صوت الاخوه مكتوبه | مرتضى حرب
من طحت صحت بصوت
صحت بصوت يا خويه
كض راسي گبل الموت
گبل الموت يا خويه
بـحــگ الخــوه يا عبــاس
ندهتــک بأخـر أنفاســي
شلت أيدي وصحت خويه
بحضـنک أرد احـط راسـي
يصاحـب روحـي الـمـدلـل
ويـخـوي ويـا هـلـي وناسـي
احـاچيـک انه اخوک حسيـن
ابحـر ولـيت زلـم راســي
يا خويه انه حسين انه حسين يا خويه
الكل علي ملتمين ملتمين يا خويه
________
تلاحگـني طـحـت عالگـاع
يالـشايـلني بـعيونـک
تلاحگـني طـحـت يالـمعلـم
حمولـي الـموقـف مـتونـک
اذا ما گـمـت يـتـرهـون
وبـذبـحـي يـخـبـرونـک
اعلى هذا الحال يا عباس
انه مدري انت الشلونک
ياگمر عيني شلون عيني شلون يا خويه
لو علي يترهون يترهون يا خويه
________
اول تـالـي يـا عـبـاس
اجـيـب اسـمـک وما تحـضر
شني معطلک علي معقول
عـطـش لو سهم انت اكبر
يالمـطـبر حسـينک راح
مثلک جسمه يطـبر
اضل مابيه اشيـل السيف
وعليـه يركض الخــدر
من ايدي طاح السيف طاح السيف يا خويه
شگد صحت وسفه وحيف وسفه وحيفه يا خويه
________
يبو فـاضل يـعين امـي
انـه احسيـنک انـه احسيـنک
انـتـه مـو اخـو عـابـر
اهـواي البـيني والبينـك
ناشـف ريـجـي مـابـيه
على گـد حـيلـي صحت وينک
صـواوينـک خـلـت عـبــاس
يـا حـامـي صواويـنک
يا وسفه يا عباس يا عباس يا خويه
وحدي اولتني الناس اه يا خويه
________
مــن غـطاني عـج الخـيل
عـــلـي رگـضن اخياتـک
شـفـتهن مـا شـفت عـبـاس ?
الــيـحـلـفـن بـريـشـاتـک
مزروعـه الـمـعاره عـيون
مـفتـوحه اعلـه خيـماتـک
يا خــويه وامانـک راح
من فارگــنه چـلماتـک
فارگــنه صوتک وين صوتک وين يا خويه
ضلينه محتارين محتارين يا خـويه
________________________
كلمات : مُرتضى حرب
تنزيل MP3
رد مع اقتباس
المشاركة الأصلية كتبت بواسطة حہيہدر الہبغہداديہ
