كلمات قصيدة مشاية لجلك فزعنا (مكتوبة) للحاج باسم الكربلائي 1444هـ
...................
قصيدة مشاية لجلك فزعنا
للشاعر زين العابدين المرياني
ليلة 21 محرم 1444
موكب و حسينية أم الحسن ع البصرة قضاء الفاو
...................
كلمات القصيدة
مشّايه لجْلَك فِزْعنه
مشّايه دربك جِمعنه
...................
نتباوَع ابْمشينه ابْدربك عجايب
وابْهيئة المُخيّم شِفنه المواكب
واليخدم اليزورك بعْيونه كاتب
كون انفُض اعله روحي منكم متاعب
مشّايه يشْتَد عزمنه
مشّايه واسمك يلمنه
...................
مشّايه يابو الاكبر مِن كل مدينه
تتْسارَع اشْمَتِثْگل هاي السَّفينه
نتأمّل ابْرأفْتك عَطْفك علينه
حزّمنه نخدم اكثر مَدّينه ادينه
مشّايه محله دربنه
مشّايه لا ما تعبنه
...................
مثْل النَّهَر مَشِيْنه فايض مشاعر
والضِّفَّه بس مواكب يروّيها زاير
صدّگنه لو بِدينه ننطي المناحر
لو عالأقل نخفّف مِنّ الحوافر
مشّايه نشعر ظروفك
مشّايه ظامي ابْطفوفك
...................
عن يا تعَب نسولِف وابدربك احنه؟!
يشتَد عزمنه أكثَر كل ما تعبنه
والغُربه كل مسافه لا ما تمرنه
يا موكِب النِدِخْله چَن بيت اهلنه
مشّايه ما لحظه نتعب
مشّايه حَزْمتنه زينب
...................
ابْكل موكب ابْطريقك نشعر حَنينك
طول المسافه نعرف تحرسنه عينك
يگضي اوتظَل تناطِر كل زائرينك
تحسبله عام الآخَر يوم اربعينك
مشّايه هالخدمه تسْوه
مشّايه راحتنه فدوه
...................
كل موسِم ايْتِزايَد أكثر عددنه
بالتّضحيه الطريقك ننطي بعدنه
منّ نوصل الضريحك نِشكُر حَشِدنه
خَطْ كربله تروّه من دَمْ ولِدنه
مشّايه نذكر دماهم
مشّايه واحنه ابْخُطاهم
...................
نسألكم الدعاء
رد مع اقتباس