معهدالتمريض

طبعا التمريض اخر شي بالمجموعات الطبيه ، يقبل اقل شي معدل 85 بالعماره ، وباقي المحافظات فوگ طبعا حسب قبولات السنه وحسب المحافظه واعلاهن بغداد ، وطبعا الولد يختلف معدلاتهم عن البنات الولد 85 وفوگ والبنات 89 وجوه اكو معهد طبي قسم تمريض بعدين نتكلم عنه و المعهد الطبي العالي ، نفس الشي واقل معدل اله 80 بس الفرق بينه انو معهد التمريض تگدر تكمل كليه تمريض بس معهد الطبي العالي لا متگدر يعني دراسته محدوده.

هو مرحلتين طبعا مده دراسته :

* المرحله الاولى..
تاخذ كيمياء + احياء + فسلجه + انگليزي + تشريح + احصاء حياتي + حقوق انسان + اسس التمريض + باطني + حاسبات + رياضه ( هاي طبعـاَ اذا جان مو كورسـات )

* المرحله الثانيه.. تدرسون بيها ،
تمريض النسائيه والتوليد 12
تمريض الصحه النفسيه 12
الرعايه الصحيه الاوليه 12
تمريض الاطفال والخدج 12
الدوائيـات 8
تطبيقات الحاسوب 6
مشروع البحث 4
التنميه البشريه 2 + اللغه الانگليزيه 2

ورا متكمل مرحله اولى بشهر الـ 8 يصير تطبيق بالمستشفى لمده شهر ، يعني تطبيق ورا المرحلتين شهر واحد.

مده الدراسه طبعا سنتين ، والراتب 480 او 500 وبممارسه المهنه يصعد للـ 600

تعيينه مركزي طبعاً ، اكو موازي وقسط مليونين و 250 ، واكو مسائي ، ( وماكـــو اهلــي ).

العمـل : طوارئ ، نسائيه اطفال ، تگدر تشتغل بأختصاص الاشعه والسونار يعني كل المجالات تگدر تشتغل بيهن ، ورا العمل بالمستشفى تگدر تداوم بصيدليه او مختبرات