كلمات قصيدة ياليل السبي صعبة (مكتوبة) للحاج باسم الكربلائي 1444هـ قصائد حسينية مكتوبة
..............................
قصيدة يا ليل السبي صعبة
للشاعر معتز سلام الحسيني
ليلة 20 محرم 1444 هـ
حسينية ام الحسن موكب اخوة زينب - الفاو
........................
القصيدة
ياليل السبي صعبه
تحرسني زلم غربه
عكب حسين .. عكب حسين
........................
من بعد العطش والمذبح وكل المصيبه
ناداني الشمر وين الكمر عافج غريبه
حسين اعله الثره جثته بقت جثه سليبه
مات و بعده ادري محد يكلي الحبيبه
لمن بس شتم اسمع
ابجي ودنيتي تطلع
من العين .. من العين
........................
لاضلت خيم لاضل اخو محد اليه
مو عبدالله ماسلمت تراجي اخته رقيه
شلون ويه الكطع جف الكمر امشي سبيه
والوادم حَجر ترمي عله كلبي واديه
حجاره تصوب عيوني
حجاره تصوب متوني
امشي منين .. امشي منين
........................
ليل وياشمع اشعل عكب حركه خيمنه
عاتبت شكثر بلكت الي تفزع زلمنه
يم جرف النهر طايح علمنه وجف علمنه
طشرنه الوكت ماضن بعد واحد يلمنه
ادعي بلكي تتلاكه
روس الاخوه والناكه
ابدرب البين .. ابدرب البين
........................
ياليل الجرح لمن رحت لبن امي اودعه
خلصت الدرب واني ادور عن اصبعه
كتله للسبي راح امشي خويه وعندي رجعه
لاتحسب ليالي احسب اليه دمعه دمعه
من كد ماخلص جسمه
وحدي شلت ابو اليمه
بالجفين .. بالجفين
........................
تذكر يوم امس كتلك كمرنه كون اشوفه
ادري بروحي راح امشي وعله الشاطي اعوفه
من كبل الحبل كتلك اريد اشتم جفوفه
بلكي برايته جرح الكلب اكدر اروفه
ساعه اعلة الذبح عدت
ساعه وزينب انجتفت
هنه ثنين .. هنه ثنين
........................
اتعلمنه الكرم من الحسن حته بجرحنه
احنه اهل البجي النبجي عله الرايد ذبحنه
ياليل الرمح شايل ضوانه وكل صبحنه
بلكي بدمعتي اكسر كلب شايل رمحنه
الشايل راس ابو الاكبر
بلكي يرجعه للخَدر
اطلب دين .. اطلب دين
........................
نسألكم الدعاء
رد مع اقتباس