قصائد حسينية مكتوبة 1444هـ 2022 / قصائد مكتوبة لشهر محرم الحرام 1444هـ 2022
...................
1
قصيدة شموخ الرايه مكتوبة 1444 هـ
شـالـتـهـه الـخَـدم رايـة ابـو فـاضـل
..................................
تـشـهـد لـلـگمـر والـرايـه عـنـوانـه
مـاطـاحـت أبـد أنـطـاهـه ذرعـانـه
نـمشي وبـالـهـوه اتـرفـرف ويـانـه
الرايه المعروفه * بالعِز موصوفه * لاگت لچفوفه
لچـفـوفـه افـصال أتـفـصلـت
..................................
هـاي الـذلـت الـعـدوان بـالحـومـه
لاگـت لـلـگـمــر عـبـاس ورسـومـه
تحچيله وتـضل اتسولف اعـلومـه
حلوه بمعناهه * تفخر خلاهه الحيد الشالاهه
الـشـالاهـه الـحيـد بـچـفـه
..................................
راعيهه الـشـهـم علّاهـه بـيـمـيـنـه
جـبنـاهـه واجـيـنـه اضلـل اعـليـنـه
لـولاهـه وعلي أمـدنـگيـن ضـليـنـه
فدوه الراعيهه *فوگ أمعليهه * أشلون أنجازيهه
أنـجـازيهـه أشلـون الـرايـه
..................................
خـفـاگـه بـشـرف ومـطرّزه بـغيـره
سـرهـه مـنـعـرف لـليـوم تـفسيـره
مـن يـمهه الجيوش اتحيرت حيره
عباس بصيته * الرايه مخاويته* الريح املاويته
امـلاويـتـه الريـح العـالـي
..................................
يالـرايـد أمـان أبـچـفـك أعـگـدهـه
ما خـاب اليلوذ ويـدخـل بـسدهـه
عبـاس الـشـهـم بـالـزود خـلـدهـه
ضلت معكوده * وتحيي أزنوده* تتباهه ابزوده
ومـن زوده اتـضـل اتـرفـرف
..................................
لاگــت لـلـگـفيـل وهـوه لاگـلـهـه
خـفگت والعـده انذلت مراجـلهـه
نتفـاخر بأسمهه وكـلنـه نحـمـلهـه
هاي المشايه * شالتهه الرايه *وتضل وفّايه
وفّـايـه أحنـه أوي الكافل
الشاعر رعد الجريخي
..................................
2
السيدة زينب تخاطب عباس الكفيل ابا الفظل
عليهما السلام
.....
يا كافلي عباسي
للوعد ماضن ناسي
هوه انت كل حراسي
........
يا ريت لو ...ذاك الزمن.....ينعاد بيه الليله
وبنصنه كاعد والدي ومجموعة كل العيله
مسبيه ليش بوحدي ومامش بشر واشكيلة
وبعد ابو فاظل كافلي انه الصرت كفيله
بعدك تضيع انفاسي
هو انت كل حراسي
............
مكسور جنحي من السبي وانه الوج بروحي
ومن السياط التنظرب ما حس بعد بجروحي
يا ريح سيفه الوالدي رهبيهم انتي فوحي
راح ابو فاظل والشمر بالسب يزيّد نوحي
هيجلي كل احساسي
هوه انت كل حراسي
.........
اعثر واطيح وانكسر وانهض وارد اتعثر
ولمة اخوتي وكل هلي وعلة الكفيل اتحسر
انه العقيلة ام الصبر بيه الألم يتكرر
ببسمار ضلع ام الحسن وطبرة الوالد حيدر
هذا القلب ما ناسي
هوه انت كل حراسي
..........
تعبانه من كثر الركض والسوط ماخذ حيلي
اطفال مسبيه وعده حاجيني يا كفيلي
مدري المن بالحرم مدري اكود عليلي
وحسين نايم عالثرة ياويلي اه يا ويلي
هذا الزمن شو قاسي
هوه انت كل حراسي
............
والشمس ما ترحم طفل لفلفته بالعبايه
وللشام كلما اقترب تتكاثر الحمايه
جابو الراس عله الرمح وضل الجسد ورايه
وشلون اطبن للقصر وكل اخوتي ضحايه
ياريت كطعو راسي
هوه انت كل حراسي
...
للشاعر :رسول الموسوي
..........................
3
كلمات قصيدة (بدويه) مكتوبة 1444 هـ
الكافل وبيده اللوه
مبخوت اليشم الهوه
جن وانس صاحو سوه
كل الهلا وكل الهلا
........................
راعي الاصول وراكباً عالأصيله
ناراً على رمحاً تشوفه تجيله
شيخ العرب كانت فعاله دليله
لو شاف فارس من جذورا يشيله
........................
يسلم يمينه الما خطه
شاهين ويحز بالكطا
شك الصفوف وما بطه
كل الهلا وكل الهلا
........................
عباس يا راعي السمو والمعالي
يا شامخ الطول اليذل الجبالي
يامن تصدر كل فنون القتال
تكوه ولا فوكك خويي مثالي
........................
منك تعلنه الوفه
حكه السمع بسمك دفه
تنزف محنه وعاطفه
كل الهلا وكل الهلا
........................
عز النفس خلا شفافك ذبوله
فالماي عبدك ما يثني التكوله
تشرب واكو أطفال تنطرك نحوله
حاشاك يا ولد البطون الحموله
........................
مشكوره يم الاربعه
ربيتي شيخ المشرعه
لرباج الحسين اندعه
كل الهلا وكل الهلا
........................
يعكال هيبا فوك راس الرجال
ما جيت طماعا ولا تبغه مالي
مو انت بشويا يزولن تبالي
عندك خوياً مثل رزك الحلال
........................
دمك صبغ وجه السمه
الما شافك بعينه العمه
حي الله صاحت فاطمه
كل الهلا وكل الهلا
........................
يبغوك تنصاع النفوس الرديه
يامن شريت الله بساعة منيه
تسري بدمك غيرةً هاشميه
من ضهر ضرغاماً وام بدويه
........................
بعروكه دم من حيدره
والحرمه بيرغ مو مره
ناتجهن الكافل تره
كل الهلا وكل الهلا
........................
مدحي لشخصك ما يزيدك كرامه
الصكر صكراً والنعاما نعاما
يا بذرةً في زرع كل النشاما
كفيت من يومك ليوم القيامة
........................
شكراً جزيلا يا كلف
واحد تعادل ميت الف
ربك رضالج تنخسف
كل الهلا وكل الهلا
الشاعر محمد رسول الحميري
.................
رد مع اقتباس
