دخان وحچي هواي.. نار بعازة الماي
انه المحترك بيته عله الحسين
إنه العمته طبت للدواوين
انه المحد وياي
بالبيت دخان...وصياح نسوان
من حجره طبن حجره
من حركوا البيت .. ساعتها ظليت
ابجي عله بيت الزهره
حركة البيت تهون فوك النساوين
بس المصيبه النار بخيام الحسين
ماركضن بناتي بهيمه ياناس
وزينب طلعوها ابلايه عباس
حرمه ومامش افياي
دخان وحچي هواي.. نار بعازة الماي
انه المحترك بيته عله الحسين
إنه العمته طبت للدواوين
انه المحد وياي
نسواني بالدار.. ولحكت عالنار
كمت اركض بشيباتي
شيخلص ام عون..من نار العيون
والغربه يم عماتي
شيسوي عود الماي للگلبه محروك
وهظمتني مو بالبيت عماتي بالسوك
مو بالبر بناتي ولا مشن ليل
ونسوان الحسين املاگيه الخيل
وهاي اتچلب بهاي
دخان وحچي هواي.. نار بعازة الماي
انه المحترك بيته عله الحسين
إنه العمته طبت للدواوين
انه المحد وياي
ماطبوا اعداي..والبيت بيه ماي
زينب منو يطفيها
دخان الخيام.. زتاها للشام
وشمروا حجار عليها
حركوا خيم لحسين من صاحوا ابيوت
وياهظمة الديوان بيه عمتي اتفوت
حركوا بيتي بس ماطبوا اعداي
ماصار الذي بعماتي وياي
الشامت بيها حداي
دخان وحچي هواي.. نار بعازة الماي
انه المحترك بيته عله الحسين
إنه العمته طبت للدواوين
انه المحد وياي
من صار الصياح.. ومراكض ارماح
ماصار هيچي بداري
ماتطفي بتراب.. نار العله الباب
وبگلبي تلهب ناري
الماطلع منها اكبال خوانها اخيال
طلعت سبيه بنوك مچتوفه بحبال
عمه المايصيرن صارن وياج
جاباج الحسين وشمر رداج
وي المالهم راي
دخان وحچي هواي.. نار بعازة الماي
انه المحترك بيته عله الحسين
إنه العمته طبت للدواوين
انه المحد وياي
يا كلبي متعوب.. من ذيج الدروب
زينب غريبه بهيمه
سهرانه وتنوح .. وحسين مذبوح
مطشرينه يم الخيمه
كل محترك لو صاح تفزعله خوان
بس عمتي بين النار واليمها نسوان
محد فزع طفه النار ليها
بس خيل وزلم هدت عليها
ماصح زلمه وفاي
دخان وحچي هواي.. نار بعازة الماي
انه المحترك بيته عله الحسين
إنه العمته طبت للدواوين
انه المحد وياي
للتحميل
إضغط هنا
الكلمات للشاعر: سيد محمود الموسوي
الكلمات للشاعر: سيد محمود الموسوي 
رد مع اقتباس
