هنا

[Nazkul]

موقف امحيرني شاده بالي
الغالي رايح حته يدفن غالي
▪️▪️▪️▪️▪️
بليله ضلمه بليله وحشه بليله مابيها هوه
لشمس راحت خطوه خطوه تدفن بچفهه الضوه
رايح العطشان يدفن جسم ابوه الما روه
گلبه حار الرمل حار وكلشي من عنده انچوه
وني عالي والرمح هم عالي

موقف امحيرني شاده بالي
​الغالي رايح حته يدفن غالي

دور الخنصر يعمه شوفه وين بيا مكان
بلايه خنصر والله دنيا چف اليوزع امان
علي يا عمه اعله هونك نزله بهيده بحنان
هذا الحسين ابن امي المارحم بيه الزمان
گله بعدك زينب ابلا والي

موقف امحيرني شاده بالي
​الغالي رايح حته يدفن غالي

عالشريعه مر يعمه تلگه يم جرف النهر
الجرف صاير سمه الله ومحتضن ذاك الگمر
گله عمتي تگول بعدك خويه موتني القهر
النوم ما مر بجفنها وحيل تعبها السهر
گله عمتي اتگول يمته ايلالي

موقف امحيرني شاده بالي
​الغالي رايح حته يدفن غالي

الاكبر وجسام عمه يم گبرهم حط شمع
تبوسهم بوست مودع وسولفلهم عالوضع
گلهم اجفون العقيله مورمات امن الدمع
واللطم من وادعتكم عالعيون وعالضلع
من بعدهم عمري ما يحلالي

موقف امحيرني شاده بالي
​الغالي رايح حته يدفن غالي

مر عله اصحابه يعمه اوصللهم هالشكر
ونعم منكم عمتي صاحت يالفديتوها بعمر
ينجبر كل كسر طبعه وانتم اكبر من كسر
والله كسرتكم چبيره ومارهم الها جبر
والنعم ما خيبولي امالي


موقف امحيرني شاده بالي
​الغالي رايح حته يدفن غالي


كلمات: عباس هابيل الزينبي
اداء: باسم الكربلائي
تدوين: بـــــراءة

[↫روشة.•]

شكرا برو