هنا

[Nazkul]

وَدّعت زينب ليوث إخيامها
وإبتدت تمسح إبروس أيتامها

▪️▪️▪️▪️▪️
لَمَن نظرت للسمه تمطر دِمه
او كَبّر إمن النجف حمّاي الحمه
وآه وآ ويلاه صاحت فاطِمه
عرفت المذبوح نحر إسلامها

وَدّعت زينب ليوث إخيامها
​وإبتدت تمسح إبروس أيتامها

تنظر الميمون ظهره ابلا إمام
يصهل وخجلان يوصل للخيام
صاحته وچنّه افتَهَم معنى الكلام
وِجه إمدنّگ راسه يَم إجدامها


وَدّعت زينب ليوث إخيامها
​وإبتدت تمسح إبروس أيتامها

طاح خَيّالك تِگلّه إبيا ثَره
هَم شِفتهم لمن گطعو منحره
كون گَبْل اعظام صدره امكسره
زينب اخته امكسرات اعظامها


وَدّعت زينب ليوث إخيامها
​وإبتدت تمسح إبروس أيتامها


دارت العين وتصد صوب النهر
خويه ياعباس يحزام الظهر
الليل چَلچَل واليتامه ابلا گُمر
بعدك اختك صفت سود أيامها


وَدّعت زينب ليوث إخيامها
​وإبتدت تمسح إبروس أيتامها


حين شافو جِثِّتك عالمشرعه
والجفوف ابلا علم وإمگطّعه
خويه مسبيه خذوني إمروّعه
والسياط ابظهري كِل آلآمها


وَدّعت زينب ليوث إخيامها
​وإبتدت تمسح إبروس أيتامها


بعد ماعافت التل الزينبي
والشمر صاح استعدن للسيي
جمعت النسوان واتشِد بالعبي
وهيه شَدّت للمصيبه احزامها


وَدّعت زينب ليوث إخيامها
​وإبتدت تمسح إبروس أيتامها


ياشمر گالتله لاتشتم علي
وين صوتك جان من جانو هَلي
لو نسيت اشسوّه بيكم كافِلي
عالفرات وكسر خشم ازلامها



وَدّعت زينب ليوث إخيامها
​وإبتدت تمسح إبروس أيتامها


مِشَت لَبوَة حيدره بغيره وعَزِم
مَره وداست من مشت روس الزلم
حسين ثوره او دَم أبد ماينهزِم
وصوت زينب چان هُوّه إعلامها

وَدّعت زينب ليوث إخيامها
​وإبتدت تمسح إبروس أيتامها


كلمات: ناظم الحاشي
اداء: باسم الكربلائي
تدوين: بــراءة

[↫روشة.•]

جعله الله في ميزان حسناتك