هنا

[Nazkul]

كل شي انحسب دين بدين
و انت الخدم واليها

فاتح مضيفك للخلق يومية
لهل السمة و لهل الكرة الأرضية
والله و نعم يالجابتك بدوية
شما تطلب الناس أشكال
ضعف الضعف تنطيها
كل شي انحسب دين بدين
و انت الخدم واليها
يعيون زينب والحسن و حسينك
يالوازنت أرض و سمة بجفينك
فدوة على عبدك سيدي حط عينك
وبداعة سكينة عليك
ايدك علي خليها
كل شي انحسب دين بدين
و انت الخدم واليها
حامل محامل والنعم من زودك
خيري و مقامي و نعمتي من زنودك
حتى النهر من يظما يروى بجودك
يالسفرتك قد الكون
والخدم تاكل بيها
كل شي انحسب دين بدين
و انت الخدم واليها
رب العلم حامي الظعن والساقي
يا باالفضل وقعت إلك ميثاقي
لو ينقطع نحري بخدمتك باقي
خادم خَدَم خدامك
غالي الثمن شاريها
كل شي انحسب دين بدين
و انت الخدم واليها
ما ريد أبد عن خدمتك تبعدني
بيك أكثر و أكثر بعد سُودِنّي
يوم الحشر يا باالفضل تكفلني
خيمة و تلم بالخدام
فوق السمة معليها
كل شي انحسب دين بدين
و انت الخدم واليها
ما أسوة وعيونك فلس من دونك
أرد انحسب مثل الذي يخدمونك
ما عوفك و صار العقل مجنونك
من عالم الذر ولهان
روحي العشق جازيها
كل شي انحسب دين بدين
و انت الخدم واليها
يعجز ألف حاتم يعد بضيوفك
سويني محبس سيدي بجفوفك
لو أنذبح هيهات أبد ما عوفك
يالمملكة شوق و طيب
وسط القلب بانيها

كل شي انحسب دين بدينو انت الخدم واليها


كلمات: علاء عبد الحسين الكربلائي
اداء: الحاج باسم الكربلائي
تدوين: براءة

[هيڤين' ♬✿]

عاشت ايدچ عمري

[عضوية محجوبه]

شكرا جزيلا قلبي

[↫روشة.•]

شكرا قلبي