هنا

[الملاذ الاخير]

جيت اعثر بهمي .. دافن اهل گلبي
بالتراب
ياهو الصبر مثلي .. لو ميت احسلي
بالتراب
شناسي انه يمهم .. امشي وارجعلهم
بالتراب .. بالتراب

.. ١ ..

اصعب موقف عاش وياي
گبر العطشان اعليه ماي ومبلل ترابه
انه الشلعوا كلبه اعزاز
هم دفان وهم جناز مو هين مصابه
ما مش متن .. انعطل عن الدفن .. بلگي يگعدون
طر الفجر .. وانه احجي بصف الگبر .. هسة يگومون
الغالي علة عزازه .. يجلب وره بالجنازه
وراه الناس
يگظيها بس ردو .. من عندي كلشي اخذوا
وره الناس
مو بديه احبهم .. امشي وارجعلهم
بالتراب .. بالتراب

.. ٢ ..

اصعب موقف مر ع الروح
من تدفن بيدك مذبوح ومطشره ضلوعه
اجمع بي منا لليل
كد ما صدره مطشره الخيل بالمنحر دموعه
مايلزم جسمه .. من خيول الزلم .. بي شمسوين
طول العصر ادفن .. بس خالي الگبر .. جا شمخلين
مثلي العطر جسمه .. ما ينگظ اشتمه .. يالهواي
خلصت بحي عيني .. وماخلص حسيني .. يالهواي
يمه اخوته كلهم .. امشي وارجعلهم
بالتراب .. بالتراب

.. ٣ ..

ليش حسين بلا تابوت
لا تشييع ولا زاتوت حتى البجي سكته
لا فاتحته تطبخا الناس
لا واكف بيها العباس وصغيره فاتحته
ضيم من امس .. شدفن من عدها الشمس .. واهل يتانون
كاما گلت .، راح اكظي خنصر شفت .. ضل ما مدفون
تطشر ضوه الجنه .. يا حيره شدفننه .. صدگ هاي
من جمعت ظهره .. لاگاني دم صدره .. صدگ هاي
خطوه لو عفتهم .. امشي وارجعلهم
بالتراب .. بالتراب

.. ٤ ..

امشي واسمع صوت هناك
هاي جفوف ادفنهة وياك لا تبتعد عني
يادفان اخذ الجفين
فدوه ادفهن يم حسين بلكي الله يشبگني
وتعثرت بجفوفه .. ويمهن طحت .. وي عمي شلون
والحف نگع بالدم .. جن توه انگطع .. من كتله ام عون
الطوله جبل وسفه .. بزغر گبر كفه .. صحت ليش
شاورني من كبره .. سلملي ع الحرة .. صحت ليش
گال اخذني الهم .. امشي وارجعلهم
بالتراب .. بالتراب

.. ٥ ..

رديت لزينب تعبان
عطشان ودافن عطشان كوه انگل جدامي
كالت جا يبني شنساك
لوًجايب عبد الله وياك مو تدري بيه ضامي
كتله الولد كبران ومو بالمهد .. ما رد وياي
كالت علي حاجيني .. شبيهم هلي .. لو شربو ماي
ما شربو اميه .. جي انته مسبيه .. يگولون
اخوانج بهيمه .. وسالوا علة الخيمة .. يگولون
حيره شرد اگلهم .. امشي وارجعلهم
بالتراب .. بالتراب


كلمات :
عباس طالب السعيدي






للاستماع الصوتي
MP3


تدوين حصري لمنتديات درر العراق
احمد الگرعاوي

[جَنـوبـيـة♡]

اللـــــه

مَشَـــڪُوُرْ أحمد

[دُعےـــآء]

ساعد الله گلبك مولاي السجاد هم عليل وهم تدفن اغلى ناسك وياريت اجسادهم كاملة مگطعين وصل ولازم تلمهم.. وكل هاي وبدون رؤوس.. الف لعنة على يزيد وآل أمية كلهم..

سمعتهـا مرتين واريد اسمع بعد.. شكرا اخي احمد نقلت لنا ودونت هذا الجمال