قصائد حسينية مكتوبه ، لطميات حسينية مكتوبه ، قصائد ملحنه على الحان الرواديد
هذا محــــــــــرم فاطمه
ياگلبي موت امن الضمه
وخليهه كـــــون الخاتمه فاتحة الحسين
واسيهه واســــيهه وادموعك ابچيهه
خطارك الزهـــــــره كل وقتك انطيهه
هذا الشهر يرسم صور للطـــف عجيبه
اكبر خبر يكـــسر ضهر زينـــــب غريبه
وابكل زمن ام الحســن تبچي المصيبه
مابطلـــــت نوح
مادامك بهذا العـــــــــمر
ضل ابخدمتـــك مستمر
واجب على الخادم ذكر فاتحة الحسين
معروفه معـــروفه كل واحد اتعوفه
الا الخذه بيــــــدك لاتنسه معــروفه
لاتنشغل كلما يـــــــــــهل شهر الخـدامه
عيش ابهضم كون اللطم عالخـد علامه
واذكر ضعن فاگــد وطن طاحت خيامه
ياحيرت ام عون
عاشور ابو اليــــــمه بده
الله رزقــــــــنه ونحمده
والعاشگ ايحب موعده فاتحة الحسين
خدامه خــــــدامه وانتانــــي ايامه
والينتظر ليـــــــله مايگــــدر اينامه
موسم عشگ مانفــــــترگ وي هــاي الايام
شكرا الك انته وهــــــــلك تقبـــــلنه خدام
لمصيبتك والغربتـــــــــــك نكرهـ شكو شام
والشالـــــو ارماح
چم ليله ويعـدي الوكت
يالخادم انته اشـقدمت
لو من حياتك فـــــوتت فاتحة الحسين
مكتوبه مكـــــتوبه والخدمــــه محسوبه
من تلتهي ابغـــيره لاتكشــــــــــخ ابثوبه
ياسيدي الحب يبـــــتدي من خدمتك هاي
رمحك لچم گلب الخـدم واتعــــــده بهواي
كون الذكر بـــــــيك ابكثر مانشــــرب الماي
كل الحچي بيك
شد حيلك الطف كربله
گـــــوم التحق بالقافله
واخلق مشاعر بـس اله فاتحة الحسين
والرايه والــــــــرايه صير الهه تچــايه
صاحبهه ابو فاضل كافــــل المشايه
خطوه وسهر باچـــر سفر نتلاگـــه وياك
ابابك نرد هـــــــــذا العهد ماعشنه لولاك
فضلك جزه وهــــذا العزه خـــلانه نهواك
بيمن نجـــــازيك
خادم القصيده#شاكر
.-.-.-.-.-.-.
لمولاتي فاطمة العليلة " عليها السلام "
رايـــــح ... وراح اترك أبنيتي وگلبي عدها
وخوفي ... لا تـتــبــع أثـرنــا ومـن يــردهـا
وحيلي هالبدا ينـحل
بعد شوية راح ارحل
رايح
ما ظل للسفر لحضـات ... وأجمع بيدي الابنيات
بس اترك عليله
أصـيح آنه باسامـيـهـن ... وهــيّه تنـظـر علـيـهن
بالدمعة الثگيله
أصـعدهن بـناتي بالـضـعـن بيـدي
وأشـوفنـها تجي وتبـوّس بـأيـدي
تگلـي بـهـالـسفـر تـكـبر مـوالـيدي
ازغيره ولو رحت تطلع تجاعيدي
طفله ... منهـا الدمعـة تنـزل حمــرة ياناس
گالت ... اخذني عليك امشّي الغالي عباس
أشـگلْهـا والدمع وشّل
بعد شوية راح ارحل
رايح
________________1____________________
وردة وحـيـلهـا ذبــلان ... غصنها أمـشرّع وتعبان
واتـنـاديـنــي بـابـا
أضم دمع الحزن عـنها ... تگلّـي بـروحتـك مـنـها
اتضل داري خرابه
الهُظَم روحي تشم بثيابي أشوفنها
طـحت اعلـيها بالدمـعـات اشــمّنـها
وگت ماضل وأسافـر بـس أعوفـنها
خوفي اتموت لــو آنـه رحـت مـنها
حـسـره ... أجت تركض عليها وتبچـي العيون
صاحت ... اليضــل ابــلا أبــو يـتـنفـس شلون
وفوگ العلّه تـتـعلعل
بعد شوية راح ارحل
رايح
______________2__________________
أجت ليه وحِمل چـفها ... ثـوب ودمـعـة تذرفـهـا
گـالـتلــي هـديـة
ســوّيـتـه الــك تــدري ... يا عـگـلـي وبعد عـمري
خيّـطـته ابأِديــه
بِست چفـها وأخـذتـه والدمـع سـچّـاب
مــاتـدري الــهـدم مـن حـصّـة الـسـلّاب
وبالطف صدري بالحافر تدوسه ارهاب
ومـايبـقـالـي واحـد لا أخـو وأصـحـاب
صـعـبه ... كـلـهـا اتـطـيـح بــاجـر عـالـوطـيـّـة
بـغـربـه ... طيـحـتـنـة وتــلـمّـنـه الـغـاضــريـة
مصايب گلبي يتخيل
بعد شويـة راح ارحل
رايح
______________3__________________
أوادعـها بألـم نـشـرح ... وتوادعـني بألـم يذبـح
وأمسح دمعة العين
الحـزن بيـها يأذّيـني ... الـدمع بعيوني غاشيني
شيّب گلبي مـرتيـن
بـوْداع العلـيـله ابنيـتي هـالـمْـرّه
وعند أم البنين أوداعها اشـكـبره
دمعـها عالـجبل لو ينـزل اتفـسره
حِملت أوداعهم جمرة بأثر جمره
جـمره ... شـايـل گـلـبـي بـــوداع الـحـبـايـب
حسره ... بـعــيـونـي چـبــيـرة وگـلبي ذايـب
قـرآن الـــحـزن رتّـل
بعد شوية راح ارحل
رايح
______________4__________________
مِشه ضعن الحزن وأنظر ... وراي أتلفّـت وأشعـر
العليلة لاحِگتـنه
خُفت لا تلحگ اضعـوني ... أسمـع بويـه تانـونـي
حگها أمفارِگتنه
وگــفـت وأنـظـر امـن بعـيـد سـالفـتـي
وأشـــوفـنـهـا تـأّشـر بــيـدهـا أبنـيـتــي
رفعت أيدي وصحت ها يابعد صحتي
تـصـيـح ألْمن أضـلّن وأنـت طـايـفـتـي
حيلي ... راح ويـــــاك لــــمّــن وادعـــتــنـــي
بـويـه ... للــهــم ضـالّــه چـــا مــا خــذتــنــي
من گتلي بألـم مقتـل
بعد شوية راح ارحل
رايح
______________5__________________
ماتدري الـطـفوف آلام ... مـن الخـيمـة حـد الـشام
واليآذيني أكثر
خيمْـنه تحـترگ بالـنار ... وحـرم زينب تلم وازغار
ليضيعون بالبر
بـالطـف كلـشـي تـتـغـيّر تـعـابـيـره
ويسحگ فوگها الحافر أهـل غيـره
بـاجــر حـيـرة الـنـسـوان يـاحـيـرة
صعبه اعليهن أيشوفنّي بحَـْصيرة
وراسـي ... فــوگ الـرمــح والــوادم تــنــظـره
مـنْــشـد ... بثـوب أبنيتـي خاف أتـطيـح وذره
والأصعب هذاك التّل
بعد شوية راح ارحل
رايح
______________6__________________
#رزقهم_سلام_الله_عليهم
#احمد_رزاق_الاعرجي
رد مع اقتباس
