هنا

[الملاذ الاخير]

رايحين .. ورايح وياي برمح راس الحنين
رايحين .. عين ليه ولليتامه تمشي عين
يجوي رمحك ياقهر .. خوفي لا يكضي النحر
رايحين .. رايحين

.. ١ ..

امشي وعيونك خذني وتيهت جدمي وعثر
انسه السياط اعله متني شما شفت راسك عبر
كلشي بيك يگلي ضامي ورمحك يعت بالنحر
هذا كله وتبتسملي اتصبر اختك ع القهر
ودي يحسين ابتسملك بس كسر گلبي البجي
تعبو راسك حبيبي وعلى رمحك منتجي
شلون اذا طال السفر .. خوفي لا يكضي النحر
رايحين .. رايحين

.. ٢ ..

الحادي هز رمحك شماته وركضت اختك ع الرمح
خويه خفت يطيح راسك وتنلجم كاع الجرح
شويه للشم رگبتك ليش ما خله الذبح
منين تشتمك بناتك والزعل جازي الصلح
متاني اتاني الليل خاطر يمي تنزل تستراح
ماي طولي الليل اشربك والصبح تشرب رماح
ع الرمح جرحك كبر .. خوفي لا يكضي النحر
رايحين .. رايحين

.. ٣ ..

صار الغروب وگعدنا وجابو الراس لهلة
التمن عليك البنات وشبگن عيونك هلة
رادين يجبرن عذابه من التعب كالن حلة
ودرنه بالماي اعلة رمحك خاف يجوي البللة
ندري سن الرمح حار ويجوي يحسين الصبح
حتى لا يلجم رگبتك خويه بللنه الرمح
درنه الك فوكاه نهر .. خوفي لا يكضي النهر
رايحين .. رايحين

.. ٤ ..

حيره تاخذني اعله حيره عيوني الك لو للبنات
بالعبايه مجلبه كلها شلون اصبر مدللات
نزلوا راسك حضنته وكتلي زينب كلشي مات
خلي راسي الليله يمج باجر بتنور ابات
هواي تنزف من جبينك منين اجيبلك ضماد
كتلي خويه ايهون يجرحي باجر يضمده الرماد
ظهري يحسين انكسر .. خوفي لا يكضي النحر
رايحين .. رايحين

.. ٥ ..

روحي حنتلك يفيها وشمتك نسمه عشك
وانه بين اعيوني شفتك باوعت گبل السحك
الخيل كلش عطشنك تحجي كلمه وتختنك
حيروني بذبحك اكثر بالرمح ماتنشبگ
حسين كون العايش انته وزينب الماتت عطش
ولا الم بجفوفي صدرك ولا ادورلك نعش
ولا سبي وحنيه ظهر .. خوفي لا يكضي النحر
رايحين .. رايحين





كلمات : حسن الترابي

رايحين .. رايحين



للاستماع الصوتي
MP3


تدوين حصري لمنتديات درر العراق
احمد الگرعاوي

[جَنـوبـيـة♡]

مَشَـــڪُوُرْ أحمد ربي يحفظك

[دُعےـــآء]

كلش احب القصيدة لمن يكون شاعرها حسن الترابي ربي يحفظه ويديمه لخدمه أهل البيت

شكرا أخي ع المجهود.. في ميزان حسناتــــك