هنا

[الملاذ الاخير]

انه الذبحو كل صحبانه .. ورد منهم عينه اعلة اردانه
كد ما حاير حتى خيالي وياي احتار
ضل يندار بصفحة وانه بصفحة اندار


.. ١ ..

كلت وردتكم يا عزاز حين تجوة
واكف ومن حشمتكم حيلي ما ينگلني خطوه
ردت اطيح گبل زينب وجلبت بصفاحي كوة
انه ابوكم مدري اخوكم للمهم گومولي فدوة
صاحوا بالميادين .. شويه ونذبح حسين
من شافوني يمكم كاظ گلبي
انده بالمطاعين .. هذا الميت منين
واحد منكم يدليني دربي
يخولني اعيوني محلفتكم گوموا وياي
انه التعطش يمكم روحه وتنسى الماي
مو ماي الكم عطشانه
انه الذبحوا كل صحبانه

.. ٢ ..

عازه عيوني وبجيت وصعبة مني تطيح دمعه
المشكله اعزاز اعلة گلبي وگلبي الموادع يطلعه
كلشي ما ظل عندي اخيالي وخايف ضيعه
حتى طولي موش اليه ساعه واعلة الخيل اوزعه
حيره وصاحت الناس .. عافك حتى عباس
لا ضل صاحب ولا ضلت اخوان
مدري شغمض العين .. صاحوا طاح الحسين
واكف ما طحت بس انه عطشان
ما طايح واكف وعيوني مفتوحات
واحد صاح لواحد بالطف يمكن مات
بالموت عيونك غرگانه .. انه الذبحوا كل صحبانه

.. ٣ ..

وحدي وضليت افزع بلكي بيكم لله هدة
ياهو منكم ما مطشر كون بس ميت واگعده
حيل مابيه والمكم سلون الم وانه اتبده
تعثرت وبظهري صاحو هذا حال اليبقى وحده
حسبالي الوكت جان .. ليل وانه كبران
وبيدي اتلمست يعزاز الگاع
ثاري اليفگد الشوف .. عيونه تصير الجفوق
بس ما تنحفظ نظرات الوداع
بجفوفي تلاكيت وياهم بس ادموع
كل ما انده منهم واحد الكه ضلوع
ثاري الماتو كلهم انه .. انه الذحوا كل صحبانه

.. ٤ ..

التثكل جروحه اعلة گلبه يتعب ومن ضيمه يذبل
وانه اخو السبعين واحد الثاني يلجم جرح الاول
يمهم انه حسين اصيحن راح اروح ومنكم ازعل
التفت محد لحكني وياهو اليراضيني اسال
حسبالي اليموتون .. من ازعل يگعدون
ويراضوني لو شافوني زعلان
انه الماله نغار .. تبجي اعليه الزغار
الله يعينك اعله الفرگة تعبان
زينب شافت طولي تمايل يهل الحيل
شمت صدري وگالت بالك من الخيل
يحسين اضلوعك ذبلانه .. انه الذبحوا كل صحبانه

.. ٦ ..

ودعتكم هسة اريدن زلمه گد افراگي اودعه
ومثل ما ثلمتوا گلبي گلبه گون اعليه اشلعه
امشي واتلفت واتعبه يموت ومن بعيد اشيعه
يركض اجفوفه اعلة صدري ومن حوافرهم يجمعه
ياهو اليگدر لهاي .. يبود گلبي بالماي
ويذبل ع الرمل وابود فرد نوب
لو سلبوني الثياب .. يستر طولي بتراب
ولا ضل عاري واعلة العبره مگلوب
سكته وانه اتنطر واحد يگعد كون
يوگف يم الخيمة يدلي لتل ام عون
ما تگدر تركض تعبانه .. انه الذبحوا كل صحبانه


كلمات : حسن الترابي





للاستماع الصوتي
MP3




تدوين حصري لمنتديات درر العراق
احمد الگرعاوي

[جَنـوبـيـة♡]

شُكراً جزيلاً أحمد