هنا

[الملاذ الاخير]

زينب وينج .. انه حسينج
خلصوا ناسي .. وي عباسي
محد ظل وياي
طاح الكافل .. جيتج مايل
محد ظل وياي

.. ١ ..

هاي اول مره امشي مدنگ وظهري انكسر
عالنهر عفته يزينب طايح حزام الظهر
راح اخيج يعني زينب كلشي راح
سهام كله واعلة طوله كله طاح
شكد بجاني .. من وصاني .. بيجن علويات
وكل شويه .. يباوع بيه .. غمض عينه ومات
شبيها جدامي .. متيهة اخيامي
محد ظل وياي ..

.. ٢ ..

داير ازنوده اعلة ظهر ووجهة داير للخيم
شما يفگ عينه لخيمجن سدوا عينه بسهم
شما تدنه اعلة المخيم تعتني
الخيل كلها اعلة الفرات تدني بي
الخيل تريده .. جفوفه بعيده .. وهو بصف الماي
يهظم موته .. رايح صوته .. جن صايحلي هواي
فوگاه عابر .. حافر حافر
محد ظل وياي ..

.. ٣ ..

يكسر الخاطر لكيته خويه وبصفه طحت
ع التراب خدوده طبعن من كثر ما ملتفت
انگطع نفسه من كثر ما حاوطوه
ولموا الخيل اعله جسمه وطشروه
بالنص صاير .. وعسكر داير .. جسمك يالعباس
محد يمك .. ينزف دمك .. وضلوعك تنداس
طفوا عينك .. وانه حسينك
محد ظل وياي ..

.. ٤ ..

مات يازينب عضيدي والحجي اليهظم يبده
خويه صاحولي الشماته حسين ظل لوحده
عله حسينج جيش كامل ظل يصيح
بعد ساعه ويم اخيك هم تطيح
ويذبحوني .. فوك متوني .. تركض نفس الخيل
كايم طايح .. بالدم سبح .. حسينج مابي حيل
ماظل غالي .. وحدج تالي
محد ظل وياي ..

.. ٥ ..

يخسر الموت ويكعده ويرجع يكض اللوة
والزم ايده ويلزم ايدي وللخيم نرجع سوه
مون اشوف الماي بيده وهو جاي
ليش اشوفه يموت ضامي وبيده ماي
كون الكافل.. يرجع شايل .. فوك متونه الجود
كون نشوفه .. بيده جفوفه .. وذيج الهيبه تعود
مو كدامج .. ميت ضامي
محد ظل وياي ..


كلمات : محمد الموسوي



للاستماع الصوتي
MP3


تدوين حصري لمنتديات درر العراق
احمد الگرعاوي

[جَنـوبـيـة♡]

قصيدة في غاية الألم

مَشَـــڪُوُرْ أحمد في ميزان حسناتك ان شاء اللـه