خوف وشوگ .. خلن زينب تطلع گــــوة
للتل فـــــوگ .. بلوة اصعد لو ضل بلوة
.. ١ ..
يزعل يگولن يزينب مارضن نسوانك اطلع
وانه كتلهن يجيني وبمجان الزعل يرجع
تالي بجيت التحبها تشوفها ومابيك تفزع
هاي تاليها المحنة .. تشوفنه وما تفزع النة
راح اگول لخاطر امنه .. ومو عذر جسمك موزع
عاند كلشي وحيلك رجعه
وانه استاهل منكم فزعة
ترجع كون .. واحسب ارحنالك جم مره فدوة
خوف وشوگ .. خلن زينب تطلع گــــوة
للتل فـــــوگ .. بلوة اصعد لو ضل بلوة
.. ٢ ..
شفتك تاشرلي بيدك معرفت شتريد مني
بس اذا تسمعني احلفك گوم واتجة اعلة متني
الخيل اجتك فرد جية اتدنه عنهن موش عني
الخاطري وما راح اعذرك .. اتدنه لا حافر يعورك
ازعل وخليني اوخرك .. جثه حدر الخيل خلني
يحسين انته الضايع مني
روحي خلافك بيش تهمني
گوم وشوف .. شوف اغيابك بينه شسوة
خوف وشوگ .. خلن زينب تطلع گــــوة
للتل فـــــوگ .. بلوة اصعد لو ضل بلوة
.. ٣ ..
الموت كون اندل مجانه بوجهي منا واعتنيلة
ولا تشوف الناس ضعنك يكسر الخاطر مشينه
العازة لليحميني وصلت حتى الموذر نخيته
والعمر بس يوم عاشر .. وانه مجبوره اعله باجر
رافگت ضعني الحوافر .. بيها در دمك لكيته
يالما ترخص دومك غالي
مذبوح وضل راسك عالي
ترضه شلون .. مسبيه اختك للما يسوة
خوف وشوگ .. خلن زينب تطلع گــــوة
للتل فـــــوگ .. بلوة اصعد لو ضل بلوة
.. ٤ ..
انته ما تنعاف وحدك يمك اختك مو بعيده
الموت يرحمني ويرجعك لو يجي وياخذني بيده
يالجبت مصيوغ عمرك شذره بعيون الصميده
حسين كلش تعباني .. نخوه حد الخيمة زتني
خاف سوط يلوح متني .. وتنولي الحرمة الوحيدة
ابعد عنك وارجع يمك
بسلا اعورك مالم جسمك
مفجوع البال .. مسبيه وميت مو حلوة
خوف وشوگ .. خلن زينب تطلع گــــوة
للتل فـــــوگ .. بلوة اصعد لو ضل بلوة
.. ٥ ..
راح اعوف التل واعوفك شوفي عنك راح اديره
وانته ما تنشاف واحد خلصت عمرك عشيره
مطشره خلافك بناتك وانته تنلم بحصيرة
دارت الدنيه اعلة خدك .. حتى مالحكت اكلك
وروح ابوي حسين احبك .. دوره عيونك جبيره
مگطع رحنه ومن نرجعلك
فدوه نريدك ملتم كلك
اولا شوف .. من ارجع ملگاكم هوة
خوف وشوگ .. خلن زينب تطلع گــــوة
للتل فـــــوگ .. بلوة اصعد لو ضل بلوة
كلمات : محمد الغزي
للاستماع الصوتي
MP3
تدوين حصري لمنتديات درر العراق
احمد الگرعاوي
رد مع اقتباس
