(( أسف مزمن))
وين رايح...
الحجي بأطول رساله
ينتهي بدمعة خرابه
وشهكه تاهت مدري وين..
الطريق الي يدلي
الافتات..مايودي (احمد مطر)
بيده بريد خايف اتضيع
القصيده ..يذكر النيه
الركب بيهه حمد...
صيح نيتك وانكر شكال
القطار ..وين ماتبدي
التذاكر السما اتصيح
انتظار ..الدنيا سكرانه
انتظار..السجه ذنبك
والخدر ماله طبيب واليسافر
باتجاهه يركب الموت القريب
ومايمر اعله الحبيب..الصوج
موصوج الضفيره...
ولا غزل ينوي قصيده
الصوج بالتاريخ غافي
خله كلمن جاب ربه
ويعبد اليل اليريده....
لاتحاول تشرب الدنيا أمل
تشرك بأول أسف
ولاتثق بدين لف
ياهو يمشي بجيبه دينه
ولايصدمك مره واحد في طريقك شفته ضاج وشرب دينه...
لو شفت مره فقيره تحلم بجية الضباب ..مو لأن منظر طبيعي لتن ماعدهه حجاب...
ولايصدمك واحد ايصادر
جميله تحت تأثير الحرير
ويكشخ بأأنق صلاته
نيته ليله بلا ضمير
والهدف كبرت عروسه
تحت انقاض الحصير....
ولاتحاول تطلب الساعه
وقت بره القبيله..الزمن متوقف على ثار وفصل..
وعاشك ايحركون كلبه
يسكر ابشوغه وكبل..
يعرف دينه وخاتم ابجفه الضفيره مية مره بمية غار
والسما اتصيح انتظار..
لاتروح اشكد غريبه وجوه بيبان المحله ويبس مكتوب الورق بيد الزغار...
والشفايف ماتخلي اثار بوسه وينخبط لون الخجل وي الحمار...
الشفايف هسه صارت تترك بخدك سؤال وحمره طوخ..
بعد ماينباع حبك تحت قانون الجيوب..
وكلهه تفرح ذاك تاجر عنده سياره وقصر ..ويوزن المرأه ذهب..
وذاك واحد يتاجر بصومه وصلاته بدعوه من دنيا الغباء....ومن عشك حللو كتله بمبداء ال(كبع واخذ)..
وين تلكه الهسه يرضى ..
عالحبيب اليطلع بعصر المقامات الرفيعه....يكشخ بكل الأناقه وهو لابس(صبا زمزم)
وكون من ينسئل عنه
اجم قصيدة غزل حافظ
وأهله هم عدهم علاقه وي الفراش...
وكون من يروح يخطب تبتدي الجلسه الجميله ب(أنته عمري..أنته عمري الي ابتده بنورك صباحو)
والمهر شدة ورد..
وصوت هلهوله طويله
وضحكه لكن من صدك.
علي عدنان خليل/العمارة/تيه جديد
رد مع اقتباس
)
المشاركة الأصلية كتبت بواسطة غرور انثى
