يا اول زلمه مگطوعه چفوفه ومايرد چف
اليريد يكتبك يخلّص گبل قلمه الفكر
سلف صالح والك راية لهسه بكل سلف
يمن حتى ابمناراتك إشارة للنصر
من آدم
المثلك من أسولفله .. مـ نادم
يـ المخلي الأرض حمره .. منـ الدم
بس عباس سوه الله .. من آدم
[ ما مثله انولد بالغاضرية ]
ادخيله ودخيل امه .. آية علي العظمى
عاشگ گمر هاشم .. عابر شكو ظُلمه
يا ابا الفضـل .. ياسـيدي
_______________
قلع خيبر أبوك وانتَ قالع هالزلم
تصعدله زلم والله ينزلك مطر
ابوفاضل يمن فضلك توزعه اعله النجم
يالمنگع بالحـسين اشيهمك يا نـهر !
بالشط
لأن گـضه عمر بالظُلم .. بالشط
الخصم تيه طريقه منين .. بالشط
العنده حسين مايقتنـع .. بالشط
[ ابوفاضل امنگع بالخويه ]
ياهاشـمي وبـدوي .. ناس وارض تـطـوي
مثل الشمس عباس .. وجه وظهر يچـوي
يا اباالفضل .. ياسيدي
________________
يزارع بيهم الخشية بمن لا يختشي
آيـآ اول گمر ماينتهي ابـطلعة فجـر
الخلق شبعت ركض منك يـاسابگهم مشي
العذب من يومك الهسه يبيعونه ابسعر
ظهره
ربك بيك راد الحيل .. ظهره
يالمراوي العدو نجمات .. ظهره
مو بس وجه للعباس .. ظهره
[ يكتل غير ابن حامي الحميه ]
يامعجب الاعجب .. حيل الله ماتتـعب
ماعايز الترتيب .. من ربك امرتب
يا ابا الفضـل .. ياسـيدي
_____________________
كـلمات: سيد حيدر الصـافي
Z
رد مع اقتباس
