بيد ابو فاضل رساله وبيها دم
من قراها حسين طاح وشمها شم
كتب بيها الشمس تجوة احتاج فيك
وكتب بيها شلون بيك اخلافك اخيك
ياحسين .. ياحسين
.. ١ ..
ياحسين اما بعد .. شمر عد راسي گعد
وهمس بحسين اخيك لا اخو ظل لا ولد
ماضربته للاسف .. ايدي ما ضل بيها جف
ما گربت من جنت واكف طحت والحال اختلف
گطعينه اجفوفك وطاح القنوت
خفت منك گبل ما اكدر افوت
هسة اريد احرگ خيمكم يله موت
ايتبختر كاظ سيفه وهزه هز
وكلهم بهذا رگبته نحزها حز
الخناجر طالت عليه واديهم
وانه ساكت حيل ماكو انهض عليهم
ياحسين .. ياحسين
.. ٢ ..
شكثر جنت ارهب گبل .. هسة اتنفس رمل
شلون بيجن يا خواتي منيلجن ابو الفضل
ساعة ترفسني رجل .. ساعة درعي ينسحل
استغلوا شو انته ماكو وكثروا بيه النبل
وبعد صاحوا ياشمرنا انطعنه وين
كال اهم شي ما يضل بوجهك عين
وتبقى حسره بگلبه ميشوف الحسين
بس اخوك ابزنده ضمها من الضرب
حتى تتنطر قدومك ع الدرب
من تجيني امسح ترايبها بجفوفك
مو معزه بعيني بس رايد اشوفك
يا حسين .. يا حسين
.. ٣ ..
عيني مو منهم بجت .. ولا على العين الطفت
صارت گبالي رقية لمن الجربه انجفت
الجربه من جابوها الي .. صاحت يحفظك علي
ابتسمت بوجهي وگالي انته اعز ناسي وهلي
لمن وگعت مني طعنوها بحراب
يارقية هنا عست اقسى العذاب
الماشربتيها انتي شرباها التراب
مو ذبح موتي ترى او لا من اجل
مات عمج يارقية من الخجل
حتى من عيني مگدر ازكيها
لان حتى عيوني ما ظل ماي بيها
يا حسين .. يا حسين
.. ٤ ..
صوت زينب من بعد .. توصل الحومة وترد
تصيح ارجع يمن لك فدوة تروحلك كل الولد
ميته لو عدله بقت .. شكالت ورين اركضت
تبجي وتنادي ابو فاضل صدك عشرتنا انتهت
بعد ميفيد البجي وكل الصياح
من طحت فوگ المعسكر كله طاح
خويه من ايدج ترى العباس راح
ذكرياتي وطولي والحب والسهر
ضاعن وجفي اليگودج انبتر
تنحب واصرخ اخويه الگمر ماكو
الفاگده العباس اليسكتها ياهو
ياحسين .. ياحسين
.. ٥ ..
ياحسين انه جنت .. بكيفي ارمش والتفت
هًاي تعذرني اريدك لو اجيت وما گمت
شما احاول ارتفع .. من الرمل يوكع ضلع
حتى ماعندي سوالف ضاملك بس الدمع
حتى لو تلجم يحسين السهام
احضني ابحضنك وگلي خويه نام
وقرب ارد اتنفسك ويه الكلام
ارد احس بجفوفك تمر ع الجفن
حتى اموت وانه گلش مطمئن
كون ما رايد تزيد خويه همي
انكسر ظهر الان لا تحجيها يمي
يا حسين .. يا حسين
كلمات :
علي عويز الشويلي
للاستماع الصوتي
MP3
تدوين حصري لمنتديات درر العراق
احمد الگرعاوي
رد مع اقتباس