هنا

[خالدالسعد]

عقيل العرد



كبل يومك
جانت الدنيا غموس بلا ملح

وبعد يومك لبست الكاع الخضار

وطابت جروح الفلح

يوم عاشر
بدا التقويم الحسيني

والسنين الكبل يومك كلها لازم تنطرح

الم نشرح لك صدرك ؟

بالعطش ، بالسهم ، بالحر ، بالحوافر

المهم صدرك ينشرح

والصبح لمن تنفس
تنفس بنحرك كرامة
وربك تنفس شموخك بالطف الحد الذبح

يبدي يومك
من بدا العباس يكتب

( تنكطع جف اليحبك كبل لا تنمد ذليلة اعله الصلح )

ومن نزل سعر الكرامة
صعد راسك للرمح

الدنيا كلها بيوم وانت بيوم وحدك
مثل يومك ما يصح

[مِـيهہرَمــآهہ ♬✿]

شكراً عالنقل المميز

[عليـﮯ آلبصـرآويـﮯ]

مثل يومك مايصح

ماجورين

[جَنـوبـيـة♡]

اللـه اللـه

عاش ذوقك خـالـد

[عضوية محجوبه]

شكرا جزيلا

[خالدالسعد]

شكرا لحضوركم الجميل دمتم بخالص الود