هنا

[الملاذ الاخير]

وجهك الماكو بجمالة
عايش بعيني خيالة
كل رسايل عمري دمعة
وانتظر منك وسالة

بحنانك.. حنين وماكو بالدنيا بحنانك
بحنانك .. ذبحت الخوف من لاكيت امانك
بحنانك .. ابدليلي ما اخذ واحد مكانك
بحنانك .. يعني وما بجن عيني بزمانك
سافرت عني وزماني .. دمعة بعيونك نساني
تعبت بالي صفنتي .. وگلبي بس بس جرحك صفاله
وجهك الماكو بجمالة ..

.. ٢ ..

سؤالي .. ترست الكاع بدموعي وسؤالي
سؤالي .. شوكت ترجع ليالينا يغالي
سؤالي .. شوكت نتلاكة خل يرتاح بالي
سؤالي .. كتبته بحفك وكفك بجالي
گلبي مو صدفة يحبك .. عالوفة معودني گلبك
لو الف عام ابتعدنة .. وجهك اتأمل وصاله
وجهك الماكو بجماله ..

.. ٣ ..

يروحي .. رحت وبروحتك ماعاشت الروح
يروحي .. صفت بعدك حياتي جروح بجروح
يروحي .. عمر دمعاتي اكبر من عمر نوح
يروحي .. شيظل بروحي لمن عنك تروح
دمعة مسافر دمعتي .. ومحد يتاني رجعتي
الدنية ما خلتلي غالي .. والصخر حالي بجالة
وجهك الماكو بجمالة ..

.. ٤ ..

وداعاً .. گلتها وودعت وياها حيلي
وداعاً .. يخوي الجام عالي وينحنيلي
وداعاً .. خداك الموت مني يا كفيلي
وداعاً .. بعدك ياگمر من يصوي ليلي
ياگمر عللي وعشگته .. احلى ما بالدنية انته
اغلى انسان بحياتي .. ادة مرسوم الكفالة
وجهك الماكو بجماله ..



كلمات :
كرار حسين الكربلائي



للاستماع الصوتي
MP3

تدوين حصري لمنتديات درر العراق
احمد الگرعاوي

[YAĞMUR]

كل قصائده مميزة

شكرااا حمادة

[علي الواسطي]

شكرا احمد عالمجهود

[الملاذ الاخير]

عظم الله اجورنا واجوركم
حلاوة
علي الواسطي
ممتن يا طيبين