يمه وغلاة عيونك .. ضايعة من دونك .. بالتراب شلونك
حاجيني يبني
وجهك ذبحني فراكة .. انشد ومشتاگة .. هم بعد نتلاگة
حاجيني يبني
مهظومة .. محرومة .. من عندك يغالي
.. ١ ..
يبني هوايه تانيتك .. بين ضلوعي خليتك
احلم بيك ويناغيك گلبي بامنياته
بعدك ماصرت وانه .. بيك هوايه فرحانه
يوم الجيت صار البيت بعيوني شحلاته
ما شم الهوة يبني .. خدك جنت اشمه
واحسب يا وكت تحجي حتى تگلي يمه
بعدك بالمهد وانه .. واحسب انته زلمة
حلم وانته ومادام الحلم
ذاك الحلم يوليدي .. ماي طاح من ايدي .. منذبح ياعيدي
عبد الله يمة
ردتك ذخر للعازة .. وللكبر عكازه .. تمشي بيه جنازه
عبد الله يمة
ما ادري .. ياذخري .. ابقة ابلاية والي
.. ٢ ..
اقعد انه وجروحي .. روحي تعاتب بروحي
هاي يا روح بس النوح عمري المن اريده
لا ميته ولا عدله .. العيشة بفرگتك ذلة
ون الليل هد الحيل يبني امك وحيده
ما اندل بعد دربي .. تتعثر مشيتي
اكعد بالشمس يبني ولا ادخله بيتي
لبجي يعبد الله حد ساعه منيتي
هدم حيلي فگدك يالولد
كلما تغمض عيني .. صوتك يناغيني .. واكعد ويرميني
سهم المصيبة
كد ما احن بغيابك .. اشم عطر ثيابك .. ماترد يالصابك
سهم المصيبة
ابجيلك .. واشكيلك .. من ضيم الليالي
.. ٣ ..
الماي شما اشوفنه .. كلبي يسولف بونه
انته هواي ردت الماي ماضگته يويلي
وانه شلون يالغالي .. شرب الماي يهنالي
ارب نوح يالمذبوح والجمره بدليلي
كطعولي العمر يمه .. من گطعوا وريدك
اصرخ يالمتت ضامي دمعاتي شتفيدك
ها يا لبلگبر نايم .. اكعدلي اريدك
انه خلافك مكسورة ظهر
يالردتك تباريني .. بلاولي مخليني .. اكعد وتجيني
ما اكدر امشي
اعتب عفت وحيدي .. لو گمت يوليدي .. على الحايط ايدي
ما اكدر امشي
ها يبني .. جاوبني .. جا وينه دلالي
.. ٤ ..
محنية بسبب فگدك .. فارغ بس اهز مهدك
واحجي وياه دمعه واه الحسره اعلة طولي
ابجي وما كلت كافي .. هسة بيا گبر غافي
وين الجان بالاحضان غافي وبيه الولي
ما ابطل دللولك .. لا يبني اعلة بختك
اوگع وگعه الميته من اذكر ضحكتك
جا شيصير انه بحالي .. من اتخيل رگبتك
يعبد الله عاميني السهم
متعمده اهيج جروحي .. من ونيني ونوحي .. بلكي تطلع روحي
جا شنهو عمري
شو طلت ياموتي .. ما وصلك صوتي .. حضرت تابوتي
جا شنهو عمري
مشتاگة .. ونتلاكة .. لو حان ارتحالي
كلمات : وسام الشويلي
للاستماع الصوتي
MP3
تدوين حصري لمنتديات درر العراق
احمد الگرعاوي
رد مع اقتباس
