هنا

[الملاذ الاخير]

زينب تحجي لحسين .. كافل اخته يومين .. عيونه عالخيم
ليش اتعب العيون .. كتله وسولف تهون .. واطفيها بسهم
جياته الي هواي .. اخوي شعنده من راي
عيونه اعلة الخيم

.. ١ ..

شو جنه عباس الگمر مو نفسه هالمرة
يركض علة اجدامي اذا سولفنه عن جمرة
عن امنيه يسولف الي شغلتني الامنية
اتمنة يازينب تصح وانطيج رجليه
جم مرة فز من نومته ويصيح مجوية
ليش اباله جويات .. ليش يكلي مرات .. عينج ع الدرب
شو خوفني الاحساس .. عليمن يبجي عباس .. والمدمع يصب
طالت كعدته وياي .. اخوي شعنده من راي
عيونه اعلة الخيم

.. ٢ ..

يسالني عن عمري شعجب وعنده العمر كله
ويحجاي نفسه هالعمر شيصعده ع التلة
شفته وكف يم تل امس ويحاول يوسعه
يوصي التراب بشنو ياخوية ما اسمعه
خايف عليمن كافلي والخوف مو طبعه
يصعد فوكه محتار .. ياخذ منه الاحجار .. ويشمره الگمر
هذا التل شنو البي .. شاغل كافلي شبيه .. جايبله السهر
شنهي الغاية من هاي .. اخوي شعنده من راي
عيونه اعلة الخيم

.. ٣ ..

جامع بناته شفته امس واكف يحاجيهن
شوًجنه من عندهن طلب يضمن تراجيهن
بنتك رقية شو كبل عمتك يعودها
بالخد يبوسها الكمر كل مايجي العدها
بوساته ليش اعلة الاذن هالمرة مو خدها
عينه اعلة الاذن ليش .. وعين تراقب الجيش .. وبلحظة ذبل
البناتك لذني الازغار .. ليش يقدم اعذار .. عباس بخجل
اسال يا خطر جاي .. اخوي شعنده من راي
عيونه اعلة الخيم

.. ٤ ..

لاحظت سكنه من تجي ايغمض ابعينه
شعنده ابو فاضل اشو مستحي من سكينه
كم مره شفته بخيمتي لو سكنه موجوده
تتغير احواله اذا تتعده يم جوده
يعرك جبينه وبس يظل يضرب علة زنوده
ليش الساگي خجلان .. محمد بينه عطشان .. ولا مرنه العطش
بزود الكافل الماي .. صار بخيمتي هواي .. وبالگاع انفرش
شاغل باله بالماي .. اخوي شعنده من راي
عيونه اعلة الخيم

.. ٥ ..

ايكلي فكره ابالي اجت وبلكت تجربيها
من دون اديه ناكتج وحدج اركبيها
كتله عليكم امي الحسن اسكت لتحجيعا
لو مايركبني الگمر ما اركب اعليها
يالركبتني من الزغر تتركني تاليها
لو وجهك علي ضاع .. تظل تلتفت كل ساع .. لدربك نضرتي
على العباس ما اهون .. يضع جواي المتون .. واركب ناگتي
اظل اسال يوفاي .. اخوي شعنده من راي
عيونه اعلة الخيم

.. ٦ ..


كل مره يتعنه النهر ويكلي تانيني
هالمره شو ساكت مشه هالمشيه تاذيني
من وكف ينظر للخيم وبعينه الف دمعه
حسيت روحه كافلي روحه بلا رجعه
ردت انه اودعه بس كلت عباس شيودعه
يمشي وكالت الروح .. راح الكافل يروح .. وما يرجع الج
باجر ماكو عباس .. باجر انذل الناس .. يحدي بمحملج
صحت گولي يدنياي .. اخوي شعنده من راي
عيونه اعلة الخيم




كلمات :
حسين طالب السماوي




للاستماع الصوتي
MP3


تدوين حصري لمنتديات درر العراق
احمد الگرعاوي

[لاڤندر]

شكرا للنشر ومأجور ان شاء الله

[دُعےـــآء]

السلام عليـــك يا سيدي ومولاي يا عباس يا كافل زينب عليها السلام
'قالـوا اعشقـو الوفـاء فعشقـنا العبـاس.
ـــــــــــــــــــ
القصيدة تاخذك لعالم مابيه بس وفه ابو فاضل وحبه وخوفه على زينب روحي فداها
عاشت ايدك خويه..