النتائج 1 إلى 3 من 3
الموضوع:

كلمات قصيده ( وصلوها لحميدة ) - مسلم الوائلي ( مكتوبه كتابه ) محرم 1444 - 2022

الزوار من محركات البحث: 956 المشاهدات : 2725 الردود: 2
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    عضو محظور
    تاريخ التسجيل: January-2014
    الدولة: ✣ ιn ệХỉļЭ ✣
    الجنس: ذكر
    المشاركات: 31,607 المواضيع: 1,673
    صوتيات: 90 سوالف عراقية: 6
    التقييم: 42837
    آخر نشاط: 25/September/2022
    مقالات المدونة: 10

    كلمات قصيده ( وصلوها لحميدة ) - مسلم الوائلي ( مكتوبه كتابه ) محرم 1444 - 2022

    مكتوبك يمسلم تعب الحيل
    ومن هسة عليه التهمت الخيل

    من مسلم رساله لگلب الحسين
    سلملي اعلة زينب والصواوين
    من الكوفة البعيده .. وصلوها لحميدة
    سلملي اعلة زينب والصواوين

    .. ١ ..

    اسولف والدمع مرسال العيون
    وللطف الرساله الحب خذاها
    وصلتله وطلع سكته من الخيام
    راح لوحده حسين وقراها
    متغيره الكتب مختلفة الگلوب
    ماتدرون جيتي شعطلاها
    سلملي اعلة اخت عباس يحسين
    خل تتحمل الضيم الوراها
    من حر الرساله وحر الايام
    طاح حسين كله بصف الخيام
    والمرساله بيده .. وصلوها لحميده
    سلملي اعلة زينب والصواوين

    .. ٢ ..

    طب حسين للخيمة وبجة وطاح
    مسلم راح يا خيمه من ادينه
    وظل ساعه بعبرته وكظ الصفاح
    والاكبر والرباب الساندينه
    وكظ عباس ظهره وصاح يحسين
    من هاي الرساله تفاركينه
    ابن عمك سند بس انه الاحزام
    وظل ساكت حسين ودار عينه
    مكتوبك يمسلم تعب الحيل
    ومن هسة عليه التمت الخيل
    يالگصدك تريده .. وصلوها لحميده
    سلملي اعلة زينب والصواوين

    .. ٣ ..

    بتك لو درت بالكاتبه تموت
    واهي واهس رقيتنا الزغيره
    حجيك حار جنك ميت بساع
    طحت من القصر طيحت عشيره
    ياواهس حياة حسين والماي
    يا ضحكة العباس الجبيره
    بين الخيمة والمرسال والحيل
    حيرت الحسين شلون حيره
    بتك خاف تدري بمسحة الراس
    يمكن راح اودي عليها عباس
    والحيره الجديده .. وصلوها لحميده
    سلملي اعلة زينب والصوانين

    .. ٤ ..

    يا حيره بناتي وحيره الواي
    يحرم عگبك الماي النضوگة
    يا ركضة حميده وشهگة الوين
    ابويه اوين ضعني ووين نوگة
    اتمنيتك يمسلم جاي وياي
    كلبي اشتاگلك شيطفي شوگة
    تدري حسين بيته خيام والنار
    مو فوگ البنات تطيح فوگة
    بتك بلغتها بدمع العيون
    نسوان زلم بالخيمة يبجون
    والظلت وحيده .. وصلوها لحميده
    سلملي اعلة زينب والصواوين

    .. ٥ ..

    صارت فاتحة بصيوان الفراگ
    وعليك الگمر لطمن خواته
    بكذ العطش باجي عليك واشتاگ
    وعبد الله بجة ونشفت لهاته
    مكتوبك وصل شيب اعلة المتون
    حملك طاح گدام الشماته
    تدري الحافر يطشرلي عباس
    ياخذ من ابن عمك عباته
    وينك يابو طاهر ياضوه العين
    ظلت بالخيم بس النساوين
    والجثة الشهيده .. وصلوها لحميده
    سلملي اعلة زينب والصواوين




    كلمات الشاعر : محمود الموسوي






    للاستماع الصوتي
    MP3


    تدوين حصري لمنتديات درر العراق
    احمد الگرعاوي

  2. #2
    من أهل الدار
    ام عباس وزينب
    تاريخ التسجيل: September-2012
    الجنس: أنثى
    المشاركات: 23,055 المواضيع: 986
    صوتيات: 64 سوالف عراقية: 2
    التقييم: 435657
    مقالات المدونة: 1
    عظم الله لك الاجر اخي.. وبارك جهودك في ميزان حسناتك ان شاء الله

  3. #3
    عضو محظور
    اقتباس المشاركة الأصلية كتبت بواسطة زهرة اللوتس . مشاهدة المشاركة
    عظم الله لك الاجر اخي.. وبارك جهودك في ميزان حسناتك ان شاء الله
    ربي يسلمج خيتي ام عبوسي .. ممتن جداً

تم تطوير موقع درر العراق بواسطة Samer

قوانين المنتديات العامة

Google+

متصفح Chrome هو الأفضل لتصفح الانترنت في الجوال