<span style="color:#ff0000">
احبابها كطعوا بها وحدا بها الحنين
من گلبها لولادها سافر بها الوتين
.. ١ ..
علي ميخلف زغير .. وين ابو الشان الجبير ..
اللي عدها اربع بنين مدللة
جفوف ميزان الذهب .. وساده شيوخ العرب ..
اللي عدها اربع بنين مدللة
ارجالها فرسانها من معدن ثمين
يافرحها ياسعدها يافراگها الحزين
.. ٢ ..
وليدي سهم المايطيح .. السان وسيف المايطيح ..
ولدي اولاد اليحل المعضلة
ولدي جف المايخيب .. الوگفوا بظهر الغريب ..
ولدي اولاد اليحل المعضلة
اسيادها .. واجوادها .. والقادها الحسين
مگعادها .. مطرادها .. واسنادها المتين
.. ٣ ..
اربع جيوش انتصار .. بالعطش ركضوا خضار ..
اولادي زينين الاصل والعاقبة
تكطعوا صاروا وصل .. محد لخيمهم وصل ..
اولادي زينين الاصل والعاقبة
بهنادهم .. وبحدهم .. بالدنيا زاهدين
شيوخ الوفة .. گلوب الصفة .. والمصطفى الامين
.. ٤ ..
وين اللبكلهن ونيس .. وخله يشتد الوطيس
ذوله ولد ام البنين الازبعة
وين ابو السيف الثجيل .. وينه بحسين اليعيل
ذوله ولد ام البنين الاربعة
اصحابها .. وزنودها .. بالملكة صابرين
طلابها .. مرحابها .. اولادي غانمين
.. ٥ ..
ونوصل لبيت الگصيد .. وصلت الحز الوريد ..
ذبحوا حروف الزياره الجامعة
كربله صارت مضيف .. لصاحب الدم الشريف ..
ذبحوا حروف الزياره الجامعة
ميدانها .. ديوانها .. وانصارها المبين
شبانها .. صبيانها .. لحسينها المعين
كلمات : فاضل حسن
للاستماع الصوتي
MP3
تدوين ( احمد الگرعاوي )
حصرياً لمنتديات درر العراق
رد مع اقتباس
شكرا لك
