يا فرگتكم هدت حيلي بلياكم شيخلص ليلي
يهل الغيرة وحشه الديرة بلياكم شيخلص ليلي
مچان البي حملتو وشلتو اگعد بي ضليت
وبمچان البيه اتوادعنه خيمه زغيره بنيت
وبيت الفرگه الخيمه تسمت من ماونيت
بيت احزان الزهره وبيتي صارن نفس البيت
بمچان البي فارگتوني لو رديتو هنا تلگوني
بس انه ادري يخلص عمري
وماشوف الكلشي يعنيلي بلياكم شيخلص ليلي
يابويه بطرگ اهديماتي لو ماخذني وياكم
ماحمل ناكه ولا اركب بس صدلي بعيناك
يرجع حيلي من تعاينلي وتنومني حذاك
دورتك بويه بكل صفنه بس ماجاي الگاك
بس عطرك خليته بروحي
يهودن لو شمنه جروحي
وبكل مغرب بدموعي اكتب
بحضنك نومني ولوليلي بلياكم شيخلص ليلي
بويه اشتاگيت العبدالله والگعدتكم حيل
تسيل دموعي. ومحد يمسح دمعاتي من اتسيل
اتوسل بعيوني تغمض يابويه تواسيل
وگبلي يرگضن من يشوفن خياله اعله الخيل
حسبالي انتم رديتولي وختاري الناگه تگلولي
ومشي وياكم يالفرگاكم خله الحيطان اتچيلي
بلياكم شيخلص ليلي
تانيت ومحد رد منكم شو چنكم ناسين
مهضومه بنيتكم ضلت وتهل دمع العين
وماتانيكم لو اندلكم يابويه انتم وين
الحكم ماضل بالديره الشايل منهه حسين
من الون ملتني الوادم لوونيت يفز النايم
وبس ام عمي ضلت يمي
وهم من فرگتكم تشكيلي بلياكم شيخلص ليلي
اليتمرض يابويه ارد انشد غير اهله تباري
واحد بيده يوكله اواحد لو نام يغطي
يبارونه اهله لحد مايشفه من مرضه الماذي
چا شو خليتو بنيتكم طارشكم تشري
لو بس طارشكم يلفيني
لو يطلب عيني انطي عيني
بس يگلي بياديره هلي چايمته طروش اتوديلي
بلياكم شيخلص ليلي
اشبگ عيني من احلم بيكم واصل هيچ الشوگ
ومن احلم مافز اتمنه جفني يضل مطبوگ
هلبت منكم تحفض عيني صورة انتم عالنوگ
لو فزيت شويه يهود دلالي المحروگ
كلشي بروحي عليكم ينشد ردو الذابل خل يورد
يمته بنصكم تگعد بتكم وعبدالله يگوم يناغيلي
يا فرگتكم هدت حيلي بلياكم شيخلص ليلي
يهل الغيرة وحشه الديرة بلياكم شيخلص ليلي
MP3
رد مع اقتباس
المشاركة الأصلية كتبت بواسطة الملاذ الاخير
