يا مـلك عـصرك .. جـيت اشـد ازرك
من شـفت صـدرك .. خـالي من نحـرك
[ عظــم الله اجـرك ]
نسيـت اگلك عن وضع زينـب
خـيمتها مثلك للفـرس ملعب
[ عظــم الله اجــرك ]
1
واضح نار بليل ابنك اشفاگد
ابعينه الشامت شاف كسرة الوالد
فوگ اخدوده اجروح للعتب شاهد
[ واسمع عتابه ]
راح اوياك النور والشمس راحت
عاش ابروحي الموت و روحك ارتاحت
صوت اغيابك صاح خيمتك طاحت
[ بوية يايابه ]
احچي لو اسمعك .. ابچي لو اجمعك
حيرة من وضعك .. سيف المگطعك
قاسي وي ضلعك
شو حتى ثوبك منك تسلب
نسيت اگلك عن وضع زينب
[ عظم الله اجرك ]
2
هاك عيوني وشوف بيهن اشحالك
شوف اثار احجار قسم اوصالك
ماضل غير الليل يستر عيالك
[ وانا تدريني ]
شايل ناري ونار جمرة اوداعك
يامن خير الناس من ثمر گاعك
ليش ابلا معروف كسروا أضلاعك
[ من عمت عيني ]
گلبي سد عينك .. بيني مابينك
ذبحوا حسينك .. عشرة سنينك
ياصبر وينك
هضيمة وجهك دامي ومترب
نسيت اگلك عن وضع زينب
[ عظم الله اجرك ]
3
مات الماي الچان يشبه اوصافك
شاف ارماح وجيش طحنن اطرافك
عاف اجروفه اوراد يوصل اشفافك
[ و منعته اجروفه ]
ذاك الجود ابـعيد عايف امتونه
نار ادموعه اتسيل من يضربونه
ساقي ورودك ماي شوفه بعيونه
[ ماتن چفوفه ]
گطرة من ضفتك .. ردنه حگ بنتك
ويلي من شفتك .. تجري دم شفتك
حتى من عفتك
ياضامي منك چم نهر يشرب
نسيت اگلك عن وضع زينب
[ عظم الله اجرك ]
4
خيامك لون رماد هذا باقيها
خوف وخيل وجيش عسكروا بيها
وشوگ اطفالك نار من يطفيها
[ حرگت ازغارك ]
هاي اتخاف اتريد تختل بروحك
ذيچ تريد تروح تمسح جروحك
شافن يوگع وين سهم الــ يلوحك
[ عرفن اخبارك ]
دربي لو دربك .. گلي شمتعبك!
انتَ مو ذنبك .. سهم الــ بگلبك
يجرح الحبك
خليني ويـه جروحك اتعذب
نسيت اگلك عن وضع زينب
[ عظم الله اجرك ]
5
يامن دوس الخيل كاسر احساسك
صوت عظامك چان يوصل الـناسك
صاحوا (وايلاه) عـالگطع راسك
[ والهم ايديره ]
داروا شوف العين وجهة الكافل
نادوا ياعباس وين ابوفاضل
مايسمع مذبوح والعلم مايل
[ ذبحوا الغيره ]
هذا ابو الخوه .. الغيرة والنخوه
نهر المروه .. منه يتروه
چنه مو هوه
ذاك الخصومه ما لگو مهرب
نسيت اگلك عن وضع زينب
[ عظم الله اجرك ]
6
باچر فوگ النوگ نعبر الوادي
هذا ايطيح وذاك ياعلي اينادي
گاطع راسك صار بالضعن حادي
[ دنيا دواره ]
انا وزينب راح نمشي بضعونك
مايثنونه اعداك وداعة اعيونك
لكن بينا اشلون من يشتمونك
[ روحي محتاره ]
صبري من جدي .. وعلمه هم عندي
شدة وتعدي .. وانتظر وعدي
ابطلعة المهدي
ثارك اساسًا غاية المطلب
نسيت اگلك عن وضع زينب
[ عظم الله اجرك ]
______________________________
كـلمات الشاعـر | أحـمد الذهـبي |
MP3
......
كتابة القصيدة حصرية لموقع • درر العراق •
Zahraa Al obaidi
1444 . 2022
رد مع اقتباس
المشاركة الأصلية كتبت بواسطة هيڤين
