وياكم وياكم اخذوني فدوة وياكم
بلياكم بلياكم يا حالتي بلياكم
شيسون عيوني المساكين
خضر ونيني اعله الحياطين
روحي رخيصه واهلي غالين
رخصان سوگچ ياعيوني
مو اذني احط گلبي عالباب
گام التراب يصيرلي حجاب
زغيرونه مااعرف للعتاب
رخصان سوگچ ياعيوني
انساكم انساكم تنسوني ما انساكم
مابيه اشيلن خيط الهدوم
مو گلب تحت ضلوعي مرحوم
شيطيب اليالفرگه مالوم
متروس گلبي وبيتي خالي
عاشوري مر من گبل عاشور
والگلب ثلث صفاح مطرور
وگبل اصبعك عمري انه مبتور
متروس گلبي وبيتي خالي
الگاكم الگاكم بيادمعه بويه الگاكم
عفتوني عيني اعله الروازين
ومامش خبر ميتين عدلين
گطعت الماي من البساتين
مگطوعه ماواحد لفاني
انه الغصن والشجره لحسين
ومگطوع گلبي بفاسة البين
منين اجتني كربله منين
مگطوعه ماواحد لفاني
انعاكم انعاكم بيا چلمة اريد انعاكم
مو غرفه چا جبتولي تابوت
الفارگ حسين سويعه ويموت
عشت بگبر مابين البيوت
والفاتحه محد قرالي
انه العليله وكلكم وياي
بس النفس ظل رايح وجاي
محد لفاني ورش عليي ماي
والفاتحه محد قرالي
وداكم وداكم وين الوكت وداكم
رد مع اقتباس
