هنا

[علي محمد عبدالنبي الشمري]

جينه لنصر رئيس البساله
نعلم لأن يريد العداله
حچاية زلم يقائد
نموت ونضل نجاهد
عداله
_______
شفره تلگانه وحگك في سيوفك
انت كل الأهل أنت وما نعوفك
حتى بالارواح لو متنه نطوفك
بس تنادي لحظه نگلبها طفوفك

حيهم لمن نسمعك تصيحن
نگلك بأمرك نموت ونطيحن
بينه انتخي وتشاهد
نموت ونضل نجاهد
عداله
_______
نشرح أنصار الحسين بأدق حاله
كلمن أتعنه سبب لازم وجاله
واحد يگول ارد اسجل اسمي هاله
وواحد يگول ارد اصيرن من رجاله

كلنا فده لوريدك يعالي
ماكو مثل مثيلك يغالي
سلجوها هالمساند
نموت ونضل نجاهد
عداله
_______

ومن جنوده واحد يگول آنا أگلك
باجر التاريخ يشرح كلشي لجلك
ادري راح ينادي ابن مرجانه يهلك
وعالحسين يگول ليهسه يتملك

عبيد الله بموتن نعرفه
بس السبط دمائه توگفه
في كل عصر تواجد
نموت ونضل نجاهد
عداله
_______

وواحد اللي همه من ضمن العساكر
گلي آني همي يبقى اسمي زاهر
ادري راح اسمع حچي من عگب باچر
هذا ضل ويّه حبيبه بيوم عاشر

آنا العفت ولادي وبناتي
ولجلك عفتها امي وخواتي
وحتى تركت الوالد
نموت ونضل نجاهد
عداله
_______
وواحد يگلي أنا الرايح أسولف
احنه كلنا برئي واحد بالمواقف
تدري خلانه السبب حتى نجازف
والله مو احنه تره هذي العواطف

هذا العشگ حسيني رفعنه
وهذي البشر دليل بذكرنه
كلنا برئينه واحد
نموت ونضل نجاهد
عداله
_______
علي محمد الشمري

[خالدالسعد]

بوركت يمينك علي احسنت النشر

[شمس خلف السحاب]

عاشت ايدك