بداري وبدمعي اليصب
چني بديار الغرب
كربلا يا كربلا
_________
يالعساكر هذا صوتي أنا القائد
آنا امكم يالأشاوس صيرو واحد
انطو لحسين الرگب ويه السواعد
وما يضل واحد ييمه ما يجاهد
كالرعد هدو سوه
حتى تتشكل قوه
كربلا يا كربله
__________
ها يينبوع الكرامه ورفعة الراس
يبني ولأجل الزچيه موت عباس
لا تجيني ما اريدك انهي الأنفاس
يمه أيد حسين ليّه شرف تنباس
لا ترجعو يالولد
بكربلا زرعو ورد
كربلا يا كربله
___________
أدري عثمان الشهم هالحرب عيده
وهو مثل الأسد ما تخطيله صيده
وجعفر الفرسان تدري من يجيده
يگلب الطف بغضب أبن الصميده
يا شمر صاحو ندم
لنه لابد بالغنم
كربله يا كربله
_________
وينه عبدالله الشمس يكتل شعاعه
الما بقه اگباله أحد يوگف دفاعه
واحد ابنه جابه ولعبدالله باعه
يريد عبدالله يعوفه بالشفاعه
هذي تربية علي
كالضياغم تعتلي
كربلا يا كربلا
_________
علي محمد الشمري
رد مع اقتباس
